मंगलवार, कार्तिक २६, २०७६
    कला-सौन्दर्य

    चलचित्र "लिलिबिली"मा प्रदीप र प्रियंकाको जोडी बाँधिदै

    बिहिवार, ३० कार्तिक २०७४, आहाखबर

    काठमाडौं कार्तिक ३० । 
    चलचित्र ‘लिलिबिली’ मा नायक प्रदीप खड्काले नायिका प्रियंका कार्कीसँग स्किृन सेयर गर्ने भएका छन् । यस अघि लिलिबिलीको नायिकाको रुपमा रेविका गुरुङलाई लिइएको थियो । 

    उनलाई रिप्लेस गर्दै नायिकाको रुपमा प्रियंकालाई लिइएसँगै नेपाली  सिने जगतमा प्रदीप र प्रियंकाको जोडीलाई लिएर चर्चा परिचर्चा चल्न थालेको छ । अहिले उनीहरु हट केक बनेका छन् । 

    कतिले प्रदीपको अगाडि प्रियंका फिट नहुने बहस चलाएका छन् त कतिले जोडी राम्रो सुहाउने तर्क पनि गरेका छन् । हल्ला र चर्चा जे(जस्तो कारणले चलेपनि प्रदीप र प्रियंकाले एकसाथ फिल्म ‘लिलिबिली’मा स्क्रिन शेयर गर्ने कन्फर्म भैसकेको छ ।

    सोमवार प्रियंका अभिनीत फिल्म ‘ह्याप्पी डेज’को लन्डन प्रिमियरमा प्रदीप पनि उपस्थित थिए । ‘लिलिबिली’को छायांकन र ‘ह्याप्पी डेज’को प्रिमियरका लागि भन्दै निर्देशक मिलन चाम्स सहितको टोली गएको शुक्रवार लन्डन उडेको थियो । 

    प्राप्त जानकारी अनुसार, अब यो टीम ‘लिलिबिली’ छायांकन सकाएपछि मात्र नेपाल फर्किनेछ । बेलायत र स्कटल्याण्डमा खिचिने यो फिल्ममा प्रदीपले प्रियंका र नव(नायिका जसिता गुरुङसँग अनस्क्रिन रोमान्स गर्दैछन् ।  

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast