शनिबार, मंसिर २१, २०७६
    पर्यटन समाचार

    कमल थापाको पार्टीका साँसद एकएक बेपत्ता, पूर्वराजाले पार्टी फुटाउन खोजेः थापा

    सोमबार, १८ बैशाख २०७४, आहाखबर

    काठमाडौंः नेपालको राजनीतिमा पछिल्लो समय विकसित राजनीतिक घटनाक्रमको प्रत्यक्ष प्रभाव राष्ट्रिय प्रजातन्त्र पार्टीमा परेको छ । प्रधानन्यायधीस सुशीला कार्कीलाई महाअभियोग लगाउने काँग्रेस र माओवादीको तयारीप्रति असन्तुष्टि जनाउँदै सरकार छोड्ने घोषणा गरेलगत्तै राप्रपाका एक दर्जन साँसद वेपत्ता भएका छन् । 

    राप्रपा अध्यक्ष कमल थापाले भने आफ्नो पार्टीमा पूर्वराजा ज्ञानेन्द्र शाहले चलखेल गरेको आरोप लगाएका छन् । थापाले सोमबार सरकार छोडने भनेपछि उनको पार्टीभित्र चरम असन्तुष्टि देखिएको हो । सोही असन्तुष्टिका कारण करिव एक दर्जन साँसदले पार्टी छोडेर छुट्टै बनाउने वा प्रकाचन्द्र लोहनीको पार्टीमा समाहित हुने तयारी गरेको बुझिएको छ । 

    आइतबार आयोजित संसदीय दलको बैठकमा ती साँसदहरु उपस्थित नभएपछि कमल थापा पक्षमा खैलाबैला मच्चिएको हो । संविधान संशोधनको नयाँ विधयकबारे हुने भनिएको उक्त छलफलमा राजतन्त्रपक्षधरहरु बैठकमा नआएको जनाइएको छ । जबकी अनिवार्य उपस्थितिको लागि पार्टीले ह्विप जारी गरेको थियो ।

    राप्रपामा ३७ जना साँसद छन् । राप्रपा फुटना साथै सरकार मात्रै नभएर संविधान संशोधन प्रक्रियासमेत धरापमा पर्ने देखिन्छ । राप्रपाको बैठकमा उपस्थित नहुनेमा रामकुमार सुब्बा, विराज विष्ट, रेशम लामा, रमेशकुमार तामाङ, सीता लुइँटेल, गीता सिंह, लक्ष्मी थापा पासवान, राज्यलक्ष्मी श्रेष्ठ र बविता लावती मोक्तान छन् । कमल थापा पक्षले भने उनीहरुलाई कारवाहीको तयारी थालेको छ । 

    ह्विपविपरित उनीहरुले गलत क्रियाकलाप गरको भन्दै थापाले उनीहरुलाई कारवाही गर्नुपर्ने बताएका राप्रपा संसदीय दलको आइतबारको बैठकमा पार्टी अध्यक्ष कमल थापाले पार्टीभित्र पूर्वराजा ज्ञानेन्द्र शाहले चलखेल गरेको टिप्पणी गरेको समाचार आजको नयाँ पत्रिका दैनिकमा प्रकाशित छ । 

    ‘जसका लागि भन्दै हामी हिँड्यौं, उतैबाट पार्टीमाथि यो घात भएको छ । राजसंस्था भनेको पूर्वराजा ज्ञानेन्द्र होइन, यसमा हामी सबै प्रष्ट हुन जरुरी छ,’ थापाको भनाइ उद्धृत गर्दै एक सांसद्ले भने, ‘राप्रपा विभाजन गर्न सांसद्हरुलाई भड्काउन लागेका छन् । यो हामीलाई मान्य छैन ।’

    राप्रपाले मान्यताका लागि राजसंस्थाको पक्षमा आवाज उठाएको तर कोही व्यक्तिको स्वार्थका लागि होइन भन्दै थापाले पूर्वराजाको आलोचना गरेका थिए ।

    बैठकमा केही सांसद्ले पूर्वराजा ज्ञानेन्द्रका सहयोगीहरु सागर तिमिल्सिना, डा। फणिराज पाठक, पशुपतिभक्त महर्जनले चलखेल गरेको भन्दै आक्रोस पोखेका थिए । स्रोतका अनुसार सांसद् तथा पूर्वमन्त्री रामकुमार सुब्बा, विराज विष्ट र रेशम लामामाथि कारबाहीका लागि राप्रपाले प्रक्रिया अघि बढाउने तयारी गरेको आजको नयाँ पत्रिका दैनिकले लेखेको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast