आर्थिक

श्रमिकको न्यूनतम पारिश्रमिक १५ हजार ताेकियाे, साउन १ गतेबाट लागू हुने

श्रमिकको न्यूनतम पारिश्रमिक १५ हजार ताेकियाे, साउन १ गतेबाट लागू हुने

काठमाडौं : आगामी आर्थिक वर्ष साउन १ बाट लागू हुने गरि श्रमिकको न्यूनतम पारिश्रमिक निर्धारण गरिएकाे छ। अब घण्टाको दरले काम गर्ने श्रमिकलाई प्रति घन्टा न्यूनतम ७७ रुपैयाँ दिनुपर्ने श्रम रोजगार तथा सामाजिक सुरक्षा मन्त्रालयले जनाएकाे छ ।

मन्‍त्रालयले श्रम ऐनले दिएको अधिकार प्रयोग गरी न्यूनतम् पारिश्रमिक निर्धारण गरेको हो । घन्टाको दरमा तल बुझ्ने श्रमिकका लागि आधारभूत पारिश्रमिक ४८ रुपैयाँ प्रति घन्टा तोकिएको छ । त्यसमा महँगी भत्ता २९ रुपैयाँ थप गरी ७७ रुपैयाँ दिनुपर्ने उल्लेख छ ।

दैनिक ज्यालादारी रुपमा काम गर्ने श्रमिकको पारिश्रमिक पाँच सय ७७ रुपैयाँ प्रति दिन निर्धारण गरिएको छ । ३६१ रुपैयाँ आधारभूत पारिश्रमिक छ भने २१६ रुपैयाँ महँगी भत्ता निर्धारण गरिएको छ । मासिक तलबमा काम गर्ने श्रमिकलाई न्यूनतम पारिश्रमिक १५ हजार रुपैयाँ निर्धारण गरिएको छ ।  आधारभूत पारिश्रमिक मासिक ९ हजार ३ सय ८५ रुपैयाँ छ । महँगी भत्ता ५ हजार ६ सय १५ रुपैयाँ छ ।

यसमा चिया बगानमा काम गर्ने श्रमिक समावेश छैनन् । पारिश्रमिकका अतिरिक्त श्रमिकले सञ्‍चय कोष र उपदानको सुविधा पाउनुपर्ने उल्लेख छ ।

No description available.No description available.