शिक्षा

शनिबारसम्म सबै शैक्षिक संस्था बन्द

शनिबारसम्म सबै शैक्षिक संस्था बन्द

काठमाडाैं: एक साताका लागि शैक्षिक संस्था बन्द गर्ने निर्णय भएकाे छ ।  देशैभर वायु प्रदूषण बढेपछि शिक्षा, विज्ञान तथा प्रविधि मन्त्रालयले शनिबारसम्म सबै शैक्षिक संस्था बन्द गर्ने निर्णय गरेको हाे।

आज मन्त्रालयमा बसेको आकस्मिक बैठकले सम्पूर्ण शिक्षण संस्था बन्द गर्ने निर्णय गरेको हो । बैठकमा मन्त्री कृष्णगोपाल श्रेष्ठले वायुमण्डलमा देखिएको मौसम प्रतिकूलताका कारण शिक्षण संस्था बन्द गर्नुपरेको बताएका थिए ।

बैठकमा शिक्षा सचिव रामप्रसाद थपलिया, विज्ञान मन्त्रालयका सचिव डा. सञ्जय शर्मा, मन्त्रालयका प्रवक्ता एवम् सहसचिव दीपक शर्मा, सहसचिव डा. हरि लम्साल, शिक्षा तथा मानव स्रोत विकास केन्द्रका महानिर्देशक बैकुण्ठ अर्याललगायतको सहभागिता थियो ।