समाज

कञ्चनपुरको बेलौरीमा दोहोरो भिडन्तमा एक भारतीय तस्करको मृत्यु

कञ्चनपुरको बेलौरीमा दोहोरो भिडन्तमा एक भारतीय तस्करको मृत्यु

कञ्चनपुर, २१ फागुन । कञ्चनपुरको बेलौरीमा हिजो साँझ तस्करी कार्यमा संलग्न भारतीय युवा र नेपाल प्रहरीबीच दोहोरो भिडन्त हुँदा भारतीय पक्षका युवक मारिएका छन् ।

जिल्ला प्रहरी कार्यालय, कञ्चनपुरका प्रवक्ता प्रहरी नायब उपरीक्षक अमरबहादुर थापाले नेपाल प्रहरीमाथि भारतीय तस्कर गिरोहले बेलौरी नगरपालिका– ७ पौलाहास्थित नेपाल–भारत सीमा क्षेत्रमा फायर गरेका जनाए । 

जवाफी फायरमा प्रहरीले चलाएको गोलीबाट भारतीय युवक मारिएका हुन् ।  मृतकको अन्दाजी २५ वर्षीय भारतीय युवकको साथबाट नक्कली नोट छाप्ने मेशिन, कागजत र लागूऔषध बरामद भएको प्रहरीले जनाएको छ ।

घटनापछि नायब उपरीक्षक थापाको नेतृत्वमा प्रहरी टोली घटनास्थलतर्फ गएको छ ।