अन्तर्राष्ट्रिय

विश्वभर संक्रमितको संख्या ११ करोड २२ लाख नाघ्यो, २४ लाख ८४ हजार बढीको मृत्यु

विश्वभर संक्रमितको संख्या ११ करोड २२ लाख नाघ्यो, २४ लाख ८४ हजार बढीको मृत्यु

काठमाडौं, ११ फागुन । विश्वभर महामारीको रुपमा फैलिएको कोरोना भाइरस संक्रमितको संख्या ११ करोड २२ लाख नाघेको छ । वल्र्डोमिटर्सका अनुसार मंगलबार (आज) विहानसम्म विश्वभर कोरोना संक्रमितहरुको संख्या ११ करोड २२ लाख ५६ हजार १८८ पुगेको हो ।

त्यस्तै, हालसम्म विश्वमा २४ लाख ८४ हजार ८६२ संक्रमितहरुको मृत्यु भइसकेको छ । यसैबीच ८ करोड ७७ लाख ७७ हजार ४८८ जना संक्रमितहरु डिस्चार्ज भइसकेका छन् । हाल विश्वमा २ करोड १९ लाख ९३ हजार ८३८ वटा कोरोनाका सक्रिय केसहरु रहेका छन्, भने ९ करोड ०२ लाख ६२ हजार ३५० वटा कोरोनाका केसहरु बन्द भइसकेका छन् ।

विश्वमै कोरोना संक्रमणका कारण सबै भन्दा बढी अमेरिका प्रभावित बनेको छ । जहाँ संक्रमितहरुको संख्या २ करोड ८८ लाख २६ हजार ३०७ पुगेको छ । जसमध्ये ५ लाख १२ हजार ५९० संक्रमितहरुको मृत्यु भइसकेको छ, भने १ करोड ९१ लाख १४ हजार १४० जना संक्रमितहरु डिस्चार्ज भइसकेका छन् ।

त्यस्तै, दोस्रो सबै भन्दा बढी प्रभावित देश छिमेकी राष्ट्र भारत हो, जहाँ संक्रमितको संख्या १ करोड १० लाख ०५ हजार ०७१ पुगेको छ, भने १ लाख ५६ हजार ४१८ संक्रमितहरुको मृत्यु भइसकेको छ । त्यस्तै, १ करोड १० लाख १५ हजार ८६३ संक्रमितहरु निको भइसकेका छन् ।

तेस्रो बढी प्रभावित देश ब्राजिल हो, जहाँ संक्रमितको संख्या १ करोड १ लाख ९७ हजार ५३१ पुगेको छ । यसैबीच २ लाख ४७ हजार २७६ संक्रमितहरुको मृत्यु भइसकेको छ, भने ९१ लाख ३९ हजार २१५ संक्रमितहरु निको भइसकेका छन् । 

चौथो बढी प्रभावित देश रसिया हो, जहाँ संक्रमितको संख्या ४१ लाख ७७ हजार ३३० पुगेको छ । यसैबीच ८३ हजार ६३० को मृत्यु भइसकेको छ, भने ३७ लाख २६ हजार ३१२ संक्रमितहरु निको भइसकेका छन् । 

विश्वनै आक्रान्त बनाएको कोरोना संक्रमणबाट नेपाल पनि अछुतो रहन सकेन । स्वास्थ्य तथा जनसंख्या मन्त्रालयका अनुसार नेपालमा संक्रमितको संख्या २ लाख ७३ हजार ५५६ पुगेको छ । जसमध्ये २ हजार ६१ संक्रमितको मृत्यु भइसकेको छ, भने २ लाख ६९ हजार ९६६ संक्रमितहरु निको भइसकेका छन् ।