दश दिनमै काेराेना मुक्त ब्राजिलियन फुटबल स्टार नेयमार

दश दिनमै काेराेना मुक्त ब्राजिलियन फुटबल स्टार नेयमार

एजेन्सी । ब्राजिलियन फुटबल स्टार नेयमार कोरोना मुक्त भएका छन् । १० दिन अघि उनलाई काेराेना संक्रमण देखिएकाे थियाे ।  ट्वीटर मार्फत उनले शुक्रबार आफु कोरनामुक्त भएको जनाएका छन् । ‘काेराेना जितेपछि म अभ्यासमा फर्केको छु भन्दै नेयमारले ट्वीट गरेका छन् ।

सेप्टेम्बर २ मा नेयमारसँगै क्लका अन्य तीन खेलाडीको कोरोना संक्रमण देखिएको थियो । केही दिन अघि अर्का स्टार केलियन एमबाप्पेलाई पनि संक्रमण देखिएको थियो ।

सन् २०१७ मा बार्सिलोनाबाट पिएसजीमा आबद्ध भएका नेयमारले टोलीका लागि ८५ खेलमा ७० गोल गर्नुका साथै ४१ एसिस्ट गरेका छन् । पिएसजी पुगेर उनले तीन वटा लिग वन, दुई वटा फ्रेन्च कप र दुई पटक फ्रेन्च लिग कप जितेका छन् ।

नेयमारको उच्च प्रदर्शनबाट प्रेरित पिएसजी गत सिजन च्याम्पियन्स लिगको फाइनलमा पुगेको थियो । क्लब इतिहासमै पहिलो पटक च्याम्पियन्स लिगको फाइनलमा पुगेको पिएसजी बायर्नसँग १-० ले पराजित भएको थियो ‌।