बिहिवार, असोज १५, २०७७
    ब्राण्ड/संगठन

    एनसेलले ल्यायो फोरजी ग्राहकका लागि यस्तो आकर्षक योजना

    शुक्रबार, १९ भाद्र २०७७, आहाखबर

    काठमाडौं । एनसेलले आफ्ना फोरजी ग्राहकका लागि आकर्षक योजना ल्याएको छ । जसमा ग्राहकले युट्युब, टिकटक र फेसबुकको ननस्टप मजा लिएर बोनस डेटाको फाइदा लिन सक्नेछन् ।

    ‘प्लस’ थिम अन्तर्गत ल्याइएका यी ननस्टप अफरहरु भदौ १८ गते देखि संचालनमा आएका छन्। ‘प्लस’ थिमले नवीन र विशेष सेवाहरुको साथमा हरेक पलमा जहाँ भए पनि सेवामा पहुँच सुनिश्चित गराउने कम्पनीको दाबी छ। योजना अन्तर्गत सामाजिक संजाल प्याक सुचारु गरेपछि त्यस प्याकको समय सीमा बाँकी भएसम्म ननस्टप सेवा लिन सक्ने कम्पनीले जनाएको छ।

    ग्राहकले सात दिनको ननस्टप टिकटक प्याक करसहित १ सय २७ रुपैयाँ ६९ पैसामा एक हप्ताभरी टिकटकको ननस्टप सेवा पाउनेछन्। ती ग्राहकले अन्य प्रयोजनका लागि ४ जीबी डेटा बोनस पनि पाउनेछन् ।

    युट्युबमा  सामग्रीहरु मात्र हेर्न मन पराउने ग्राहकका लागि ननस्टप प्याक समेत रहेको छ। कम्पनीका अनुसार ग्राहकले आफ्नो आवश्यकता अनुसार करसहित ३१ रुपैयाँ ९२ पैसामा एक दिनको समयसीमा रहेको प्याक चलाउन सक्नेछन् ।  ग्राहकले ४ जीबी बोनस डेटासहितको सात दिन अवधिको  युट्युब वा फेसबुकको कम्बो प्याक मात्र करसहित १ सय ९१ रुपैयाँ ५४ पैसामा सेवा लिन पाइने कम्पनीले जानकारी दिएको छ ।

    कम्पनीका अनुसार ग्राहकले ३० दिनको समयावधि रहेको ६ जीबी बोनस डेटा सहितको ननस्टप युट्युब प्याक करसहित ४ सय ५९ रुपैयाँ ६८ पैसामा खरिद गर्न सक्छन्। बोनस डेटा ग्राहकले अन्य कुनै प्रयोजनका लागि प्रयोग गर्न सक्ने कम्पनीले जनाएको छ। सात दिन वा ३० दिनको ननस्टप प्याक खरिद गर्ने ग्राहकका लागि विशेष थप योजना पनि रहेको कम्पनीले जनाएको छ। ग्राहकले प्याक सेवा लिएपछि हरेक दिन ५०० एमबीको दरले ७ दिन सम्म मात्र कर सहित २५ रुपैयाँ ५४ पैसामा ३५०० एमबि थप डेटाको लिन सक्ने छन् ।

    सो डेटा ग्राहकले फेसबुक, टिकटक वा युट्युब चलाउन प्रयोग गर्न सक्ने कम्पनीको दाबी छ। कम्पनीका अनुसार फोरजी ग्राहकले एस्ट्रिक्स१७१२३एस्ट्रिक्स१ह्यास डायल गरी अफर लिन सक्नेछन्। ग्राहकले एनसेल एप तथा डिजिटल बालेट सेवा प्रदायकहरु जस्तै खल्ती, युनिपे, ईसेवा वा प्रभु पे मार्फत प्याक लिनसक्नेछन् ।

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast