शनिबार, असोज १०, २०७७
    बैंक-बीमा

    एभरेस्ट बैंकका दुई कर्रमचारीमा काेराेना, मुख्य कार्यालय दुई दिन बन्द

    सोमबार, २६ श्रावन २०७७, आहाखबर

    काठमाडौँ , २६ साउन।  लाजिम्पाटस्थित एभरेस्ट बैंकको मुख्य कार्यालय र एक शाखा दुई दिनका लागि बन्द गरिएको छ । त्यहाँ कार्यरत दुई जना कर्मचारीमा कोरोना संक्रमण पुष्टि भएपछि सोमबार र मंगलबारका लागि कारोबार बन्द गरिएको हो ।

    बुधबारदेखि नियमित रुपमा मुख्य कार्यालयबाट सेवा सुचारु हुने बैंकले जनाएको छ । ‘शनिबार लाजिम्पाटस्थित सबै कर्मचारीको परीक्षण गराउँदा दुई जना कर्मचारीमा पोजिटिभ देखिएको थियो,’ स्रोतले भन्यो, ‘ती कर्मचारीलाई आइसोलेसनमा पठाइसकिएको छ ।’ आइतबार बैंकको सो कार्यालय ‘डिसइन्फेक्टेड’ गरिएकाले दुई दिनका लागि सेवा बन्द गरिएको हो ।

    मुख्य कार्यालय बन्द भए पनि बैंकको अरु शाखा कार्यालयबाट हुने सेवा नियमित रहेको र कुनै अवरोध नभएको बैंकले जानकारी दिएको छ । ‘हाम्रो क्लियरिङको काम बानेश्वर शाखाबाट हुन्छ,’ स्रोतले भन्यो ,‘यसकारण क्लियरिङलगायत बैंकको सबै काम नियमित रुपमा भइरहेको छ ।’


    दुई दिनका लागि लाजिम्पाट स्थित कार्यालय बन्द भएकाले यहाँका ग्राहकले आफूलाई पायक पर्ने अर्को शाखाबाट सेवा लिन पनि बैंकले आग्रह गरेको छ ।

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast