मंगलवार, श्रावन २०, २०७७
    ब्राण्ड/संगठन

    जगदम्बा मोटर्सद्वारा निःशुल्क मास्क वितरण

    मंगलवार, ६ श्रावन २०७७, आहाखबर

    काठमाडौ। कोरोना भाइरस (कोभिड-१९) बाट बच्न ‘जगदम्बा मोटर्स र लायन्स क्लब अफ काठमाडौं समर्पण’को सहकार्यमा निःशुल्क मास्क वितरण गरिएको छ। आम मानिस कोरोना संक्रमणबाट जोगिन सहज बनाउने उद्देश्यका साथ ‘जगदम्बा मोटर्स र लायन्स क्लब अफ काठमाडौं समर्पण’को सहकार्यमा निःशुल्क मास्क वितरण गरिएको हो।

    अहिलेको परिस्थितिलाई मध्यनजर गर्दै मानिसहरुको धेरै चहलपहल हुने स्थानहरु मध्येको कालिमाटी तरकारी बजार, बल्खु तरकारी बजार, यातायात कार्यालय, असन, बसन्तपुर, कलंकी, पाटन दरबार क्षेत्रहरुमा निःशुल्क मास्क वितरण गर्ने सप्ताहव्यापी अभियान सम्पन्न गरिएको छ। एक सातासम्म संचालन गरिएको यो अभियानको अन्तिम दिन पाटन दरबार क्षेत्रमा कार्यक्रम संचालन गरिएको थियो।

    यस अभियान अन्तर्गत ४ हजार थान मास्कहरु सर्वसाधारणलाई निःशुल्क वितरण गरिएको थियो। अभियानमा मास्क वितरण सँगसँगै सर्वसाधारणलाई मास्क लगाउने उचित तरिका, मास्क लगाउँदा कोरोना भाइरसबाट बच्ने ज्ञानका साथै भिडभाडमा सामाजिक दूरी कसरी कायम गर्ने, हात धुने लगायतका जनचेतनामूलक जानकारीहरु पनि प्रदान गरिएको थियो।

    अभियान संचालन गर्नुको उद्देश्यका बारेमा प्रष्ट पार्दै जगदम्बा मोटर्स प्रालिका भाइस प्रेसिडेन्ट दिपककुमार अग्रवालले भने ‘कोभिड १९ बाट हामी सबै त्रसित छौं। यसबाट बच्ने एकमात्र सजिलो उपाय भनेको हामी स्वंयम सजग र सचेत रहनु हो। यसैले हामीले आम नागरिकहरुको स्वास्थ्य सुरक्षालाई ध्यानमा राखेर कोरोना भाइरसबाट बच्नका लागि आवश्यक उपायहरु अबलम्बन गर्न आग्रह गर्नुका साथै मास्कसमेत वितरण गरेरका हौं।’

    टीभीएस मोटरसाइकल, स्कूटर तथा थ्री ह्वीलर्सका वितरक जगदम्बा मोटर्सको उद्देश्य नै ‘टीभीएस साथ छ हाम्रो’ श्रृखलामार्फत् समाजमा योगदान दिनु रहेको छ। कम्पनीले विगतमा पनि यसप्रकारका सामाजिक चेतनामूलक एवं सहभागितामूलक विविध कार्यक्रमहरु संचालनमा विभिन्न संघ–संस्थाहरुसँग सहकार्य गर्दै आएको छ। भोलिका दिनमा पनि यस प्रकारको काम निरन्तरता दिने कम्पनिको भनाई रहेको छ।

    जगदम्बा मोटर्सले बिक्री वितरण गर्दै आएका मोटरसाइकल तथा स्कुटरहरु नेपाली बजारमा निकै चर्चित रहेका छन्। कम्पनीले बिक्री गर्ने मोटरसाइकल, स्कुटर र थ्रि ह्वीलर्सहरु नेपाली समाजसँग जोडिएकाले त्यहि समाजमा नै केही योगदान गर्ने नीति अनुसार कम्पनीले विशेषरुपमा काम गर्दै आएको छ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast