शनिबार, आषाढ २७, २०७७
    खेल संसार

    कोरोना कहरबीच इंग्ल्यान्ड प्रस्थान गर्दै पाकिस्तान क्रिकेट टिम

    आईतवार, १४ आषाढ २०७७, आहाखबर

    एजेन्सी । पाकिस्तान क्रिकेट टिम कोरोना पोजेटिभ देखिएका दस खेलाडीलाई छोड्दै आइतबार इंग्ल्यान्ड प्रस्थान गर्ने भएको छ । बोर्डले शनिवार एक आधिकारिक बयानमा कोरोना पोजेटिभ देखिएका दस खेलाडीबिना २० सदस्यीय टोली इंग्ल्यान्ड प्रस्थान गर्ने जनाएको छ । 

    बोर्डका प्रमुख अधिकारी वसीम खानका अनुसार कोरोना पोजेटिभ देखिएका दस खेलाडीलाई दोस्रोपटक परीक्षण गर्दा दुवैपटक नेगेटिभ आएमात्रै टोलीमा समावेस गर्ने जनाएका छन् ।  

    शुक्रबार भएको कोरोना परीक्षणमा यसअघि देखिएका दसजना मध्येमा छ जनालाई नेगेटिभ देखिँदा चारजनामा भने पुनः कोरोना पोजेटिभ देखिएको छ ।  टोली इंग्ल्यान्ड पुगेपछि १४ दिन सेल्फ क्वारेन्टिनमा बस्ने छ । त्यसपछि टोलीले वार्मअप खेलको तयारी गर्ने जनाएको छ ।  पाकिस्तान क्रिकेट टिमले इंग्ल्यान्डसँग तीन टेस्ट र तीन टी–ट्वान्टी खेलको सिरिज खेल्ने छ । 

    इंग्ल्यान्ड जाने २० सदस्यीय पाकिस्तानी क्रिकेट टोली

    अजहर अली, बाबर आजम, आबिद अली, असद शफीक, फहीम अशरफ, फवाद असलम, इफ्तिखार अहमद, इमाद वसीम, इमाम उल हक, खुशदिल शाह, मोहम्मद अब्बास, मूसा खान, नसीम शाह, रोहेल नजीर, सरफराज अहमद, शाहीन आफरीदी, शान मसूद, सोहेल खान, उसमान शिनवारी, यासिर शाह ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast