शनिबार, आषाढ २७, २०७७
    खेल संसार

    इंग्लिस प्रिमियर लिग: एन्थोनीकाे ह्याट्रिकमा म्यानचेस्टर युनाइटेड विजयी

    बिहिवार, ११ आषाढ २०७७, आहाखबर

    काठमाडाैं, १० असार । शीर्ष चारमा स्थान बनाउन प्रयास गरिरहेको म्यानचेस्टर युनाइटेड इंग्लिस प्रिमियर लिग अन्तर्गत बुधबार राति भएको खेलमा विजयी भएको छ ।

    घरेलु मैदानमा भएको खेलमा उसले शेफिल्ड युनाइटेडलाई ३–० ले पराजित गरेको हो । पहिलो हाफमा दुई गोल गरेको युनाइटेडले दोस्रो हाफमा थप एक गोल गरेको हो । उसका लागि तीनै गोल एन्थोनी मार्शलले गरे । उनले ७, ४४ र ७४ औँ मिनेटमा गोल गरी ह्याट्रिक पूरा गरेका हुन्।

    उनी लिगमा पछिल्लो सात वर्षमा ह्याट्रिक गर्ने म्यानचेस्टर युनाइटेडको पहिलो खेलाडी हुन् । सात वर्षअघि रोबिन भान पर्सीले युनाइटेडका लागि प्रिमियर लिगमा ह्याट्रिक गरेका थिए ।

    जितपछि पाँचौँ स्थानको युनाइटेडको ३१ खेलबाट ४९ अंक भएको छ । उ चौथो स्थानको चेल्सी भन्दा दुई अंकले पछि रहेको छ । पराजित भएको शेफिल्ड युनाइटेड ३१ खेलबाट ४४ अंकसहित आठौँ स्थानमा कायम छ ।

    लिग अन्तर्गत बुधबार राति भएका अरु खेलमा वुल्भ्सले बोर्नमाउथ तथा एभर्टनले नर्विचलाई समान १–० पराजित गर्दा न्यूक्यासल र एस्टन भिल्लाले १–१ को बराबरी खेल्दै अंक बाँडेका छन् ।

     
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast