शनिबार, आषाढ २७, २०७७
    यातायात

    पहिरोले अबरूद्ध भएको नारायणगढ–मुग्लिन सडक दुईतर्फी सञ्चालनमा

    शुक्रबार, ५ आषाढ २०७७, आहाखबर

    चितवन, ५ असार । पहिरोले अबरूद्ध भएको नारायणगढ–मुग्लिन सडकमा गएरातिदेखि दुईतर्फी गाडी चल्न थालेका छन् । बिहिबार बिहान ४:१५ बजे खसेको पहिरो राति १० बजे पन्छाएर सडक नियमित गरिएको हो ।

    नारायणगढ-मुग्लिन सडक आयोजनाका सूचना अधिकारी इञ्जिनियर शिव खनालका अनुसार सो सडकको चार किलोमा पहिरोले ४५ मिटर सडक ढाकेको थियो ।

    दुवैतर्फबाट लोडरले दिनभर लगाएर पहिरो पन्छाइएको उनले जानकारी दिए । शुरुवातमा खसेको पहिरो पन्छाएलगत्तै सोही ठाउँमा पुनः पहिरो खस्दा समय लागेको उनले जानकारी दिए ।

    पहिरो खसेसँगै सडक अवरुद्ध हुँदा सयौँ सवारी सडकमा अलपत्र परेका थिए । तर चालकहरुले जथाभाबी ओभरटेक गर्दा झन् बढी चाप र जाम भएको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast