सोमबार, आषाढ २९, २०७७
    बैंक-बीमा

    जुवाखालबाट एनआइसी एशियाका सञ्चालक सहित ७ ठूला व्यवसायी पक्राउ

    मंगलवार, २० जेष्ठ २०७७, आहाखबर

    काठमाडाैं, २० जेठ। कमलादीको एक होटेलबाट जुवा खेलिरहेको अवस्थामा केही व्यापारी पक्राउ पक्राउ परेका छन् ।

    पक्राउ पर्नेमा विमल खेतान, विमल अउजा, रामचन्द्र संघाई, सुरेशकुमार अग्रवाल, पुरुषोत्तम घिराइया अग्रवाल, गोविन्दराम सरिया, अशोककुमार अग्रवाल, नन्दकिशोर शर्मा र होटल सञ्चालक भारतीय नागरिक मिक्की जोगाई रहेका छन् । उनीहरूलाई प्रहरीले सोमबार राती कमलादीस्थित गगौंर बुटिक होटेलमा छापा मारेर पक्राउ गरेको हो । 

    जुवा खेलिरहेको गोप्य सूचनाका आधारमा उनीहरूलाई नगदसहित पक्राउ गरिएको प्रहरीले जनाएको छ । अशोक अग्रवाल र विमल अउजा विशाल ग्रुपका सञ्चालक हुन् । अशोककुमार अग्रवाल लाइफ इन्स्योरेन्स कर्पोरेशन नेपाल (एलआईसी) का सञ्चालक पनि हुन ।

    रामचन्द्र संघाई एनआइसी एशिया बैंकका सञ्चालक हुन् । संघाईलाई गएको बर्ष नेपाल सरकारको ‘महत्वपूर्ण व्यावसायिक व्यक्ति’ सम्मानबाट विभूषित गरिएको थियो । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast