सोमबार, आषाढ २९, २०७७
    विज्ञान/प्रविधि

    ट्विटर विवादपछी ट्रम्पले गरे सामाजिक सञ्‍जाललाई अंकुश लगाउने कार्यकारी आदेशमा हस्ताक्षर

    शुक्रबार, १६ जेष्ठ २०७७, आहाखबर

    वासिङ्टन, १६ जेठ। अमेरिकी राष्‍ट्रपति डोनाल्ड ट्रम्पले सामाजिक सञ्‍जालहरूलाई दिइएको कानुनी सुरक्षा हटाउने उद्देश्यले एक कार्यकारी आदेशमा हस्ताक्षर गरेका छन्।

    उक्त आदेशले फेसबुक र ट्विटरजस्ता कम्पनीविरुद्ध कानुनी कारवाही अगाडि बढाउन सरकारलाई शक्ति दिनेछ।

    सामाजिक सञ्‍जालहरूलाई ‘अनियन्त्रित शक्ति’ प्राप्त भएको आरोप कार्यकारी आदेशमा हस्ताक्षर गर्ने क्रममा लगाएका छन्। तर, उक्त आदेशले कानुनी चुनौतिको सामना गर्नुपर्ने सम्भावना छ।

    ट्रम्पले लगातार सामाजिक सञ्‍जालहरूमाथि परम्परावादी (कन्जरभेटिभ) आवाजलाई दबाउने गरेको आरोप लगाउँदै आएका छन्।

    अमेरिकी राष्‍ट्रपति डोनाल्ड ट्रम्पले ट्विटरको ‘फ्याक्ट-चेकिङ प्रकरण’लाई लक्षित गर्दै एक कार्यकारी आदेशमा हस्ताक्षर गरेका हुन्। ‘फ्याक्ट-चेकिङ प्रकरण’लाई उनले चुनावमा हस्तक्षेपका रूपमा आरोपित गरेका थिए।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast