मंगलवार, जेष्ठ २०, २०७७
    राज्य-समाज

    कोरोना संक्रमित भेटिएपछि टीकापुरमा लकडाउन थप कडाइ

    शनिबार, १० जेष्ठ २०७७, आहाखबर

    कैलाली । कैलालीको जानकी गाउँपालिकामा कोरोना संक्रमित देखिएपछि प्रशासनले टीकापुरमा लकडाउनमा कडाइ गरेको छ ।

    जानकी गाउँपालिकासँग टीकापुर जोडिएको पालिका हो । टीकापुर पनि जोखिममा रहेको भन्दै टीकापुर बजार बन्द गरिने तयारी प्रशासनले गरेको छ ।

    संक्रमित आएर गाउँमा समेत बसेकाले जानकी गाउँपालिका–७ को मोतीनगर र जवलपुर गाउँ सिल गरिएको टीकापुरका प्रहरी नायब उपरीक्षक मनोहरप्रसाद भट्टले बताए ।

    संक्रमण पुष्टि भएका मोतीनगर र जवलपुरका दुई युवामध्ये मोतीनगरका युवाको टीकापुर र मोतिनगरमा धेरै मानिससँग सम्पर्क भएको देखिएको भट्टले बताए ।

    संक्रमित तीनै जनाको टीकापुर अस्पतालको आइसोलेसनमा राखेर उपचार शुरु भएको छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast