शुक्रबार, आषाढ १९, २०७७
    राज्य-समाज

    ट्रम्पले खाइरहेको औलोको औषधिबाट कोरोना संक्रमितको मृत्यु हुने खतरा उच्च

    शनिबार, १० जेष्ठ २०७७, आहाखबर

    काठमाडाैं, १० जेठ। अमेरिकी राष्ट्रपति डोनाल्ड ट्रम्पले कोरोना भाइरस (कोभिड–१९) बाट जोगिनका लागि औलोको औषधि हाइड्रोक्सिक्लोरोक्विनको सेवन गरिरहेको बताएका थियो ।

    सो औषधिबारे विज्ञानसम्बन्धी शोध पत्रिका लेसेटले आफ्नो अनुसन्धानमा कोरोना संक्रमित विरामीको उपचारका लागि हाइड्रोक्सिक्लोरोक्विन दिइएमा विरामीको मृत्यु हुने खतरा बढी हुने पाइएको जनाएको छ । 

    अध्ययनमा मलेरिया (औलो) को यो औषधिबाट बिरामीलाई कुनै फाइदा नहुने पाइएको छ । ट्रम्पले एक साताअघिमात्र आफूले कोरोनाबाट जोगिन मलेरियाको औषधि सेवन गरिरहेको बताएका थिए । स्वास्थ्य अधिकारीहरुले यसबाट मुटुको समस्या बढ्नसक्ने चेतावनी दिएका छन् । 

    ट्रम्पले भने मेडिकल अनुसन्धानलाई समेत उपेक्षा गर्दै यो औषधि प्रयोगमा प्रोत्साहन गर्दै आएका छन् । 

    हाइड्रोक्सिक्लोरोक्विन मलेरियाका रोगीका लागि सुरक्षित छ भने लुपस र आर्थ्राइटिसका केही बिरामीका लागि लाभकारी छ ।

    तर कोरोना संक्रमितलाई क्लिनिकल परीक्षणका लागि यो औषधि प्रयोग गर्न सिफारिस गरिएको छैन । द लेसेटको अध्ययनमा कोरोना भाइरसका संक्रमित ९६ हजार बिरामीलाई सामेल गरिएको छ । 

    जसमध्ये १ हजार ५ सय विरामीलाई हाइड्रोक्सिक्लोरोक्विन केहीलाई क्लोरोक्विन दिइएको थियो । यो औषधि अर्को एन्टिबायोटिक या यो मात्र औषधि दिइएको थियो ।

    यो अध्ययनमा अन्य विरामीको तुलनामा यो औषधि खाने बिरामीको बढी मृत्यु भएको छ र उनीहरुमा मुटुको समस्या देखिएको छ । 

    हाइड्रोक्सिक्लोरोक्विन दिइएका बिरामीहरुको मृत्युदर १८ प्रतिशत पाइएको थियो भने १६.४ प्रतिशत छ । यो औषधि नदिइएका बिरामीको मृत्युदर ९ प्रतिशत रहेको छ । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast