शनिबार, जेष्ठ २४, २०७७
    स्वास्थ्य

    कपिलवस्तुका दुई पत्रकारमा देखियो कोरोना पाेजेटिभ

    शुक्रबार, ९ जेष्ठ २०७७, आहाखबर

    कपिलवस्तु, ९ जेठ । कपिलवस्तुमा शुक्रबार कोरोनाभाइरसको संक्रमण पुष्टि भएकामध्ये दुई जना पत्रकार छन्।स्वास्थ्य तथा जनसंख्या मन्त्रालयले शुक्रबार बिहान ९ बजे जारी गरेको प्रेस नोट अनुसार कपिलवस्तुमा ९ जनामा कोरोना संक्रमण पुष्टि भएको छ।

    तीमध्ये बाणगंगा र कपिलवस्तु नगरपालिकाका २४ र २९ वर्षका दुई  पत्रकारमा पनि कोरोना देखिएको हो।कपिलवस्तुका कोरोना फोकल पर्सन कुमार थापाका अनुसार बाणगंगा नगरपालिकामा शुक्रबार पहिलो पटक संक्रमण देखिएको हो।

    अन्य संक्रमितहरू बाणगंगा  ५,७,१० र ११ का पुरूष छन्। त्यसैगरी कपिलवस्तु नगरपालिका ३ का २९ वर्षका पुरुषमा संक्रमण पुष्टि भएको छ। मायादेवी गाउँपालिका  वडा नम्बर ४ र ५  दुई पुरुष र वडानम्बर ४ की ८ वर्षीया बालिकामा पनि संक्रमण पुष्टि भएको थापाले जानकारी दिए।

    संक्रमित बालिका यसअघि काठमाडौंको शिक्षण अस्पतालमा संक्रमण देखिएकी कपिलवस्तुकी बालिकाकी साथी तथा छिमेकी हुन्।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast