शनिबार, जेष्ठ २४, २०७७
    बिदेश

    ह्वाइट हाउसमा मास्क लगाउन अनिवार्यः ट्रम्पले भने, ‘आदेश मेरो लागि होइन’

    मंगलवार, ३० बैशाख २०७७, आहाखबर

    ह्वाइट हाउसका दुई कर्मचारीमा कोरोनाभाइरसको संक्रमण देखिएपछि सबै कर्मचारीलाई मास्क लगाउन अनिवार्य गरिएको छ ।


    ह्वाइट हाउसले आफ्नो डेस्कमा बसिरहेका बेलाबाहेक अन्य समयमा सबै कर्मचारीलाई मास्क लगाउन र सहकर्मीसँग पर्याप्त दुरी स्थापित गर्न अनिवार्य गरेको छ ।


    यो आदेश त्यतिबेला जारी गरिएको हो जब अमेरिकी राष्ट्रपति डोनल्ड ट्रम्प र उपराष्ट्रपति माइक पेन्सका एक–एक सहयोगी बिरामी भएका छन् ।


    यद्यपि, जब राष्ट्रपति पत्रकार सम्मेलनमा मास्क नलगाई पुगे तब उनलाई प्रश्न सोधियो । यसमा ट्रम्पले भने, ‘आदेश मेरो लागि होइन । मैले यो आदेश मान्न आवश्यक छैन किनभने म सबैसँग निकै टाढा बसिरहेको छु ।’

    उनले भने, ‘ह्वाइट हाउसमा दैनिक सयौं मानिसको आवतजावत हुन्छ । मलाई लाग्छ संक्रमण रोक्नका लागि हामीले राम्रो काम गरिरहेका छौं ।’

    ह्वाइट हाउसका तीन कर्मचारी पहिले नै सेल्फ आइसोलेशनमा गएका थिए किनभने उनीहरुलाई संक्रमणको आशंका थियो । यसमा डा. एन्थोनी फाउची पनि समावेश छन् जो अमेरिकामा यो महामारीसँग लड्ने समूहका मुख्य अनुहार हुन् ।

    स्रोतः बीबीसी

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast