शनिबार, जेष्ठ १७, २०७७
    विज्ञान/प्रविधि

    स्थानीय तहलाई विवादित सफ्टवेयर बाड्दै सरकार

    आईतवार, २८ बैशाख २०७७, आहाखबर

    काठमाडाैं, २८ वैशाख। सङ्घीय मामिला तथा सामान्य प्रशासन मन्त्रालयले सबै स्थानीय निकायलाई ‘जुम मिटिङ सफ्टवेयर’ उपलब्ध गराउने भएको छ।

    सफ्टवेयरको लाइसेन्स वितरणका लागि मन्त्रालयले परिपत्र जारी गर्दै विवरण माग गरेको छ। मन्त्रालयले सफ्टवेयर प्रयोग गर्ने व्यक्तिको विवरण माग गरेको हो। सरकारलाई संयुक्त राष्ट्र सङ्घीय विकास कार्यक्रम(युएनडिपी)ले जुम मिटिङ सफ्टवेयरको लाइसेन्स सहयोग गरेको हो।

     

    अनलाइन बैठक तथा अनलाइन कक्षा संचालनका लागि यसको प्रयोग हुँदै आएको छ।  कोरोना भाइरसको रोकथाम तथा नियन्त्रणका लागि सरकारले लकडाउन घोषणा गरेसंगै नेपालमा पनि यसको प्रयोग बढ्दो छ।

    गोपनियता भंग, कम्पनीद्वारा गल्ती स्वीकार 

    टोरोन्टो विश्वविद्यालयको सिटिजन ल्याब टिमले जुम एपमा धेरै कमजोरीहरू रहेको बताएपछि अनुसन्धान सुरू भएको थियो।  जुमबाट मिटिङ गर्दा गोपनियता भंग हुने उनीहरूको दाबी थियो ।

    उनीहरूले जुम एपले इन्क्रिप्शन प्रयोग गर्ने र सम्पूर्ण जानकारी चीन पठाउने गरेको आरोप लगाएका थिए। उनीहरूले जुम एपको प्रयोग नगर्न समेत सिफारिस गरेको थियो।

    सर्वसाधरणहरूले यसको प्रयोग गरे पनि सरकारी तथा सार्वजनिक संस्थाले यसको प्रयोग गर्दा डाटा लिक हुने सम्भाबना अधिक रहेको उल्लेख गरेको छ।

    ‘जुम’ माथि गोपनियता चुहावटको आरोप लागेपछि कम्पनीका सिइओ एरिक युआनले गल्ती स्वीकार गरेका थिए। उनले  समस्याको तत्काल पहिचान गरि समाधान गर्ने बताएका थिए।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast