मंगलवार, जेष्ठ २०, २०७७
    विज्ञान/प्रविधि

    चीनले पुर्‍यायाे सगरमाथाको शिखरमा फाइभ जी इन्टरनेट

    शनिबार, २० बैशाख २०७७, आहाखबर

    काठमाडौं, २० वैशाख । चिनियाँ कम्पनी चाइना मोबाइल र हुवावेले विश्वको सर्वोच्च शिखर सगरमाथामा फाइभ जी इन्टरनेट पुर्‍याएका छन् ।

    सगरमाथाको तिब्बतर्फको पाखोमा पर्ने ६ हजार ५ सय मिटरको उचाइमा चाइना मोबाइल र हुवावे कम्पनीले फाइभ जी इन्टरनेटको बेस स्टेसन निर्माण गरेका हुन् । जुन विश्वको सबैभन्दा अग्लो स्थानको फाइभ जी स्टेसन हो ।

    ६ हजार ५ सय मिटरको उचाइमा गिगाबिट अप्टिकल फाइबर नेटवर्क पुर्‍याएसँगै अब चाइना मोबाइलले सगरमाथासम्मै आफ्नो डुअल गिगाबिट नेटवर्क सञ्चालन गर्न सक्ने हुवावेले जनाएको छ ।

    चाइना मोबाइलको डुअल गिगाबिट नेटवर्कको आधार स्टेसन ५ हजार ३ सय मिटरको उचाइमा अवस्थित आधारशिविर क्षेत्रमा छ । त्यस्तै ट्रान्जिसन क्याम्प ५ हजार ८ सय मिटरको उचाइमा छ ।

    सगरमाथाको उचाइमा पुर्‍याइएको फाइभ जी नेटवर्कको निर्माण तथा सञ्चालनमा दर्जनौं नेटवर्क विज्ञहरु खटिएको र यसले चौबीसै घण्टा अनवरत रुपमा नेटवर्क उपलब्ध हुने हुवावेले जनाएको छ ।

    आधार शिविर क्षेत्रमा फाइभ जी नेटवर्कको डाउनलोड स्पिड १.६६ गिगाबिट्स प्रतिसेकेण्ड र अपलोड स्पिड २१५ मेगाबिट्स प्रतिसेकेण्ड रहेको हुवावेले जनाएको छ ।

    उत्तरी मोहोडाबाट पहिलोपटक सगरमाथा आरोहण भएको ६० वर्ष पुगेको अवसरमा चीनले सगरमाथाको शिखरमा फाइभ जी इन्टरनेट पुर्‍याएको हो ।

    सगरमाथामा फाइभ जी नेटवर्क उपलब्ध हुँदा यसले सगरमाथाको उचाइको सही मापनमा समेत सहयोग पुग्ने हुवावेको भनाइ छ । एजेन्सीको सहयोगमा

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast