सोमबार, जेष्ठ १९, २०७७
    कला-सौन्दर्य

    रेडियो नेपालकी प्रथम गायिका रानुदेवीको निधन

    शुक्रबार, १९ बैशाख २०७७, आहाखबर

    काठमाडाैं, १९ वैशाख। रेडियो नेपालकी प्रथम गायिका एवं प्रजातन्त्र सेनानी रानुदेवी अधिकारीको निधन भएको छ । पारिवारिक स्रोतका अनुसार उनको गएराति निधन भएको हो ।

    कांग्रेस नेतृ नोना कोइरालाको बहिनीसमेत रहेकी रानुदेवीले निरंकुशता विरुद्धको प्रजातान्त्रिक आन्दोलनमा कला र सांगीतिक मोर्चामा रहेर काम गरेकी थिइन् ।

    २७ नोभेम्बर १९३६ मा वीरगञ्जमा जन्मिएकी उनको बाल्यकाल भारतकाे बनारसमा बितेकाे थियो ।

    सानैदेखि शास्त्रीय गायनमा सक्रिय रानुदेवीले पहिलोपटक २००६ सालमा ६ वटा गीत रेकर्डिङ गरेकी थिइन् ।


    विराटनगरको जुट मिल्समा २००४ सालमा स्थापना गरिएको तत्कालिन प्रजातन्त्र रेडियोमा गाउन रानुदेवीलाई तारिणीप्रसाद कोइराला प्रोत्साहन गरेका थिए ।

    इतिहास विषयमा एमएसम्मको अध्ययन गरेकी रानुदेवीका १ छोरा र २ छोरी रहेका छन् ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast