शनिबार, जेष्ठ २४, २०७७
    आर्थिक खबर

    कालोबजारी गर्ने वीरगञ्जका उद्योगपतिसहित पाँच जना पक्राउ

    मंगलवार, १६ बैशाख २०७७, आहाखबर

    काठमाडौं, १६ वैशाख ।  कालोबजारी गरेको आरोपमा वीरगन्जका उद्योगपति मोहनलाल अग्रवाहसहित पाँच जना पक्राउ परेका छन् । आइतबार साँझ प्रहरीले दालमा कालोबजारी गरेको आरोपमा पाँच जनालाई पक्राउ गरेको हो ।

    प्रहरीले बारा–पर्सा करिडोरमा रहेका उद्योगहरूले लकडाउनको मौका पारी बढी मूल्यमा मसुरोको दाल बिक्री गरेको भन्ने सूचना प्राप्त गरेको थियो । सोही सूचनाका आधारमा प्रहरीले नारायणी मोडर्न पल्सेस इण्डष्ट्रिज परवानीपुर ४ चैनपुरका प्रोप्राइटर मोहनलाल अग्रवाल र प्रतिनिधि सुनिल शर्मालाई पक्राउ गरेको हो ।

    त्यस्तै श्री कृष्ण आधुनिक दाल उद्योग छातापिपरा ९ का प्रोप्राइटर पवन कुमार साह, प्रतिनिधि सुरेशप्रसाद र महावीर ओभरसिज प्रालि परवानीपुर ४ लिपनीमालका प्रतिनिधि सन्तोष झालाई पक्राउ गरिएको प्रहरीले जनाएको छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast