शनिबार, जेष्ठ २४, २०७७
    आर्थिक खबर

    अनुमतिपत्र लिएर ग्यास उत्पादन नगर्ने ५० वटा ग्यास उद्योगको अनुमतिपत्र एकैपटक खारेज

    आईतवार, ७ बैशाख २०७७, आहाखबर

    काठमाडौं, ७ वैशाख । अनुमतिपत्र लिएर पनि  ग्यास उत्पादन नगर्ने ५० उद्योगको अनुमतिपत्र एकै दिन खारेज भएकाे छ । नेपाल आयल निगमले सम्पर्क गर्न आग्रह गर्दा पनि उनीहरु सम्पर्कमा नआएपछि वैशाख ७ गते उनीहरूकाे अनुमतिपत्र खारेज गरेकाे हाे ।

    २०७१ माघ १४ गतेपछि ५३ ग्यास उद्योगले नयाँ तथा शाखा उद्योग सञ्चालन गर्नेभन्दै अनुमतिपत्र लिएका थिए । यी कम्पनीहरुले निगमबाट ग्यास उद्योग निर्माण गरि सञ्चालन गर्न अनुमति लिने तर उद्योग निर्माण गरेका थिएनन् ।

    यसैगरी अर्काथरीले उद्योग विभागमा ग्यास उद्योग दर्ताको लागि निवेदन दिने र उद्योग विभागबाट निगमसँग राय प्रतिकृया माग्दा उनीहरु सम्पर्कमा नआएको निगमले जनाएको छ ।

    यसरी लाइसेन्स लिने तर उद्योग स्थापना नगर्दा अनुमतिपत्र किनबेचजस्ता काम हुने गरेको थियो । जसले गर्दा एलपी ग्यास उद्योगको व्यवस्थापनमा समस्या आएको  निगमले जनाएकाे छ । 

    यसरी लाइसेन्स झोलामा बोकेर हिँड्ने तर ग्यास उत्पादन नगर्ने गर्दा निगमलाई अनुमान लगाउन मुस्किल भएको निगमका कार्यकारी निर्देशक सुरेन्द्र कुमार पौडेलकाे भनाइ छ ।


     
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast