शुक्रबार, जेष्ठ २३, २०७७
    सार्क

    अप्रिल १४ पछि पनि लकडाउन बढ्छ: माेदी

    बिहिवार, २७ चैत्र २०७६, आहाखबर

    नयाँ दिल्ली, २७ चैत । भारतीय प्रधानमन्त्री नरेन्द्र मोदीले तत्कालै लकडाउन नहट्ने बताएका छन् । बुधबार भिडियो कन्फरेन्समार्फत विपक्षी दलका शीर्ष नेताहरूसँग कुराकानी अप्रिल १४ पछि पनि लकडाउन बढ्ने उनले बताए ।

    कोरोनाको प्रभाव विस्तार हुँदै गएपछि अहिले भारतमा २१ दिन लामो लकडाउनको घोषणा गरिएको छ । भारतमा आज लकडाउनको १६ औँ दिन हो ।


    उनले राष्ट्रिय आपतकालिन समय जस्तै हुने पनि बताए । ‘यतिबेला लकडाउन खोल्न सम्भव छैन। तर सबैले सामाजिक दूरी कायम गर्नु जरुरी छु, मोदीले भने, ‘हामी राष्ट्रिय आपतकालिन समयमा जस्तै गइरहेका छौ। समय–समयमा अभूतपुर्व कदम चाल्न बाध्य बनाएको छ।’

    भारतीय प्रधानमन्त्री माेदीले काेराेनाकाे महामारीविरूद्ध लड्काे लागि सबैले साथ दिनुपर्ने बताए । काेराेनाविरूद्ध लडाइँमा प्रदेशहरूले केन्द्रसँग मिलेर काम गरेकाे भन्दै उनले प्रशेहरूले प्रशंसा पनि गरे । प्रदेश, जिल्ला प्रशासन र स्वास्थ्या विज्ञहरूले भाइरसको फैलावट रोक्न लकडाउनकाे समय थप्नु पर्ने सुझाव दिएकाे समेत उनले बताए ।

    उनले अरु मुख्यमन्त्री र न्यायीक अधिकारीहरुसँगको कुराकानीले तत्कालै लकडाउन हटाउन नसकिने अवस्था रहेको बताएका छन् । उनले यसका लागि मुख्यमन्त्रीहरूसँग पुन कुरा गर्ने बताएका छन् ।

    अहिलेसम्म भारतमा काेराेनाका कारण मृत्यु हुनेकाे संख्या १७८ पुगेकाे छ भने ५ हजार ९१६ जना काेराेना संक्रमित भएका छन् । भारतमा कुल संक्रमितमध्ये ५०६ जना उपचारपछि निको भएका छन् ।

    कोरोना भाइरसका संक्रमितको संख्यामा बढोत्तरी हुने क्रम नरोकिएपछि भारले दिल्ली र नेपालसँग सीमा जोडिएको उत्तर प्रदेश (युपी ) काे एक सयभन्दा बढी हटस्पट सील गरेकाे छ ।

    दिल्लीका उपमुख्यमन्त्री मनीष सिसोदियाका अनुसार कोरोनाका पोजेटिभ रिपोर्ट आएका क्षेत्रलाई सील गरिएको हो । त्यहाँ २० हटस्पट इलाकामा कुनै पनि व्यक्ति आवतजावत गर्न पाउने छैनन्।

    उत्तर प्रदेशमा बुधबार राति १२ बजेदेखि लागू हुने गरी १५ जिल्ला सील गर्ने घोषणा त्यहाँको राज्य सरकारले गरेको हो। उक्त राज्यका तीन सहर इन्दौर, भोपाल र उज्जैनमा कोरोनाका संक्रमित बढ्न थालेपछि ती सहर सील गरिदिएको हो ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast