मंगलवार, जेष्ठ १३, २०७७
    पर्यटन समाचार

    लकडाउन घोषणापछि मनास्लुमै अलपत्र परे ११ पर्यटक

    बुधबार, १२ चैत्र २०७६, आहाखबर

    काठमाडौं, १२ चैत । विश्वव्यापी रूप लिएकाे काेराेना भाइरसकाे संक्रमण नेपालमा पनि देखिन थालेपछि जोखिम न्यूनिकरण गर्न सरकाले एक सातासम्म लकडाउन घोषणापछि मनास्लु पदयात्रा मार्गमा ११ जना रोकिएका छन् ।

    ६ जना विदेशी पदयात्री र ५ जना नेपाली सहयोगी तथा गाइड मनास्लु मै अलपत्र परेको ट्रेकिङ एजेन्सिज एसोसिएसन अफ नेपाल टानका मिडिया कोर्डिनेटर सिम्बिर घलेले जानकारी दिए ।

    मनास्लु पदयात्रा मार्गको मान्छा खोला भन्ने स्थानमा पुगेका पर्यटक तथा सहयोगी कन्ट्री लकडाउनका कारण अलपत्र परेका हुन् । स्थानीय स्तरमा समन्वयको काम भइरहेको उनले जानकारी दिए । उता, एभरेस्ट रिजनमा समेत ३ सय भन्दा बढी पर्यटन अलपत्र परेका छन् ।

    अचानक घोषणा भएको लकडाउनका कारण पदयात्रामा निस्किसकेका पदयात्री अलपत्र परेको खबर आइरहेको छ ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast