आईतवार, जेष्ठ १८, २०७७
    स्वास्थ्य

    नेपालमा भेटियाे तेस्रो कोरोनाभाइरस संक्रमित

    बुधबार, १२ चैत्र २०७६, आहाखबर

    काठमाडाैं, १२ चैत । नेपालमा तेस्राे जनामा काेराेना भइरसकाे संक्रमण भएकाे फेला परेकाे छ । स्वास्थ्य मन्त्रालयका सहप्रवक्ता सागर दाहालका अनुसार बुधबार कोरोनाभाइरसका तेस्रो संक्रमित फेला परेको  पुष्टि भएकाे हाे ।

    टेकुस्थित शुक्रराज ट्रपिकल तथा सरुवा रोग अस्पतालमा पठाइएको नमुनामा पोजेटिभ भेटिएको उनले जानकारी दिए । तेस्रो संक्रमितलाई आइसोलेसनमा राखिएको बताइएको छ ।

    यसअघि चीन र फ्रान्सबाट फर्किएका विद्यार्थीमा कोरोनभाइरसको संक्रमण देखिएको थियो । चीनबाट आएका संक्रमित निको भएर घर फर्किसकेका छन् भने फ्रान्सबाट फर्किएकी १९ वर्षीया युवतीको अस्पतालमा उपचार भइरहेको छ ।

    हालसम्म ६८७ जनाको नमूना परीक्षण गरिएकोमा ६८४ जनाको रिपोर्ट नेगेटिभ आएको छ ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast