आईतवार, चैत्र २३, २०७६
    सावधान

    भारतबाट फर्किरहेका नेपालीहरुलाई प्ररीले रोक्न खाजेपछि धनगढीस्थित गाैरीफन्टा नाकामा झडप

    मंगलवार, ११ चैत्र २०७६, आहाखबर

    धनगढी, ११ चैत । कैलालीकाे धनगढीस्थित नेपाल भारत सीमा नाका गौरीफण्टामा भारतबाट नेपाल फर्किरहेका नेपालीहरुलाई प्ररीले रोक्न खाजेपछि झडप भएकाे छ।

    ठूलो संख्यामा भारतबाट आएका नेपालीहरुले नेपाल प्रवेश गर्न खोजेका थिए । तर उनीहरुलाई प्रहरीले सीमामै रोक्न खोजेपछि स्थिति तनावग्रस्त बनेको हाे । झडपमा परी केही प्रहरी सामान्य घाइते भएका छन् ।

    सरकारले मुलुकभर मांगलबार बिहान देखि ‘लकडाउन’ गरेको छ । यसैबेला भारतका विभिन्न शहरहरुवाट नेपाल आउँदै गरेका नेपालीहरु सीमा नाकामा बिचल्लीमा परेका छन् ।

    कैलालीको भारतसँग सीमा जोडिएको गौरीफण्टा नाका र कञ्चनपुरको गड्डाचौकी नाकाबाट नेपाल भित्रिरहेका सयौँ नेपाली बिचबाटोमै अलपत्र भएपछि बिचल्लीमा परेका हुन् ।

    नेपालमा लकडाउन गरिएपछि उनीहरुलाई नेपाल प्रवेश गर्न दिइएको छैन । विश्वव्यापी महामारीका रुपमा फैलिँदै गएको कोरोना भाइसरको संक्रमण भारतमा पनि बढ्दै गएपछि अहिले सुदूरपश्चिम प्रदेशसहित विभिन्न ठाउँका नागरिकहरु आ आफ्नो गाउँघर तिर फर्किरहेका छन् ।

    गौरीफण्टा सीमा नाकामा राति नै पुगेको भएपनि उनीहरुलाई नेपाल प्रवेशमा रोक लगाइएको छ । उनीहरुले खाना र पानी समेत नपाएको भन्दै आक्रोश पोखेका छन् ।

    सीमामा रहेका नेपालीहरुको व्यवस्थापनका लागि पहल भइरहेको जिल्ला प्रशासन कार्यालय कैलालीले जनाएको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast