आईतवार, चैत्र २३, २०७६
    बिदेश

    इटालीमा कोरोनाकाे संक्रमणबाट मर्नेकाे संख्या ४ हजार नाघ्याे, एकैदिन ६२७ जनाको मृत्यु

    शनिबार, ८ चैत्र २०७६, आहाखबर

    इटाली, ८ चैत । कोरोना भाइरसको संक्रमणबाट इटालीमा एकैदिन थप ६ सय २७ जनाको मृत्यु भएको छ।इटालीका अधिकारीका अनुसार मृतकको संख्यामा  एकैदिन १८.४ प्रतिशत वृद्धि भएको हो।

    योसँगै इटालीमा कोरोना भाइरसको संक्रमणबाट मृत्यु हुनेको संख्या ४ हजार ३२ पुगेको छ। बिहीबारमात्रै इटालीले मृतक संख्यामा कोरोना भाइरसको उद्गमस्थल चीनमा भएको मृतक संख्यालाई उछिनेको थियो। हालसम्म इटालीमा संक्रमितको संख्या ४७ हजार २१ पुगिसकेको छ।

    इटालीमा कोरनाभाइरसको संक्रमणबाट ज्यान गुमाउनेमा अधिकाशं प्रौढ उमेरका मानिसहरू रहेका छन्। नेशनल हेल्थ इन्स्टियूटका अनुसार ज्यान गुमाउनेहरूमा ४१ प्रतिशत ८०-८९ उमेर समूहका रहेका छन् भने ३५ प्रतिशत ७०-७९ उमेर समूहबाट रहेका छन्।

    इटालीको कुल जनसंख्याको २३ प्रतिशत जनसंख्या ६५ वर्षमाथिको रहेको छ। यो संख्या जापानपछिको सबैभन्दा बढी हो।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast