बिहिवार, जेष्ठ १५, २०७७
    पर्यटन समाचार

    आजदेखि विदेशी पर्यटकले पदयात्रा गर्न नपाउने

    शुक्रबार, ७ चैत्र २०७६, आहाखबर

    काठमाडौं, ७ चैत । आजदेखि विदेशी पर्यटक पदयात्रामा जान नपाउने भएका छन् । नेपाल पर्यटन बोर्डले आजैबाट पर्यटक सूचना व्यवस्थापन प्रणाली 'टिम्स' कार्ड वितरण बन्द गरेको छ ।

    यससँगै अब विदेशी नागरिकले नेपाली पदयात्रा मार्गमा पदयात्रामा जान पाउने छैनन् । नेपालमा पदयात्रामा जाने सबै विदेशीले टिम्स लिनुपर्छ ।

    नेपालमा नेपाल पर्यटन बोर्ड र ट्रेकिङ एजेन्सीज एशोसिएशन अफ नेपाल 'टान' ले टीम्स कार्ड वितरण गर्दै आएका छन् । यो समय नेपालमा पदयात्रामा जाने मूख्य मौमस हो ।

    पर्वतारोहण सिलसिलामा आउने पर्यटक पनि पदयात्रा गर्दै जाने हुँदा पदयात्रा मार्ग यस समय भरिभराउ हुनुपर्ने थियो । नेपाल पर्यटन बोर्डले शुक्रबार सूचना जारी गर्दै टिम्स कार्ड वितरण अर्को सूचना जारी नभएसम्म बन्द गरिएको छ । सरकारले कोरोना रोगविरुद्ध लिएको नीति कार्यान्वयन गर्न टीम्स कार्ड वितरण बन्द गरिएको बोर्डको भनाइ छ ।

    पदयात्रा बन्द भएसँगै यसले पदयात्रा मार्गमा पर्ने सयौं होटेल तथा रिसोर्टको व्यापार ठप्प भएको छ । शुक्रबार नै नाम्चेका होटेल व्यवसायीले सबै होटेल तथा रेष्टुरेन्ट बन्द गर्ने निर्णय लिइसकेका छन् ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast