बुधबार, जेष्ठ २१, २०७७
    शेयर बजार

    सेयर कारोबार बन्द गर्न लगानीकर्ताको माग

    बिहिवार, ६ चैत्र २०७६, आहाखबर

    काठमाडौं, ६ चैत । कोरोना भाइरसको प्रभाव बढेसँगै सेयर लगानीकर्ताहरुले सेयर कारोबार पनि बन्द गर्न आग्रह गरेका छन् । सेयर कारोबार नगर्न सेयर लगानीकर्ताले बुधबार नेपाल धितोपत्र बोर्डलाई आग्रह गरेका हुन् ।

    सेयर लगानीकर्ता संघ संगठनले बिहीबार बोर्ड पदाधिकरीसँग भेटेर यस्तो माग गरेका हुन् । सेयर कारोबार बन्दै गर्ने विषयमा भने बोर्डले निर्णय लिइसकेको छैन ।

    बोर्डका कार्यकारी निर्देशक निरज गिरीले लगानी कर्ताले कारोबार बन्द गर्न भने पनि बोर्ड सञ्चालक समिति एवं अर्थमन्त्रालयसँग छलफल गरेर मात्रै निर्णय लिइने बताए । 

    बोर्डलाई ५ दिनसम्म मात्र कारोबार रोक्ने अधिकारी रहेको छ । ५ दिनभन्दा बढी दिन कारोबार रोक्नु परे अर्थमन्त्रालयको स्वीकृति लिनुपर्ने हुन्छ ।

    सेयर लगानीकर्ता संघका उपाध्यक्ष ताराप्रसाद फुल्लेलले बोर्डसँगको छलफलमा कारोबार रोक्ने विषयमा बोर्ड सकारात्मक रहेको जानकारी दिए ।

    यदि बोर्डले निर्णय गरे आइतबारदेखि सेयर कारोबार केही दिनलाई बन्द हुनेछ । सरकारले २५ जनाभन्दा बढी एकै ठाउँमा बस्न वा हिंड्डुल नगर्न निर्देशन दिएपछि सेयर लगानीकर्ताहरूले पनि कारोबार बन्द गर्न बोर्डलाई आग्रह गरेका हुन् ।

    सरकारको निर्देशनअनुसार चैत्र मसान्तसम्म नै सेयर कारोबार बन्द गर्नुपर्ने पक्षमा सेयर लगानीकर्ता देखिएका छन् ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast