आईतवार, चैत्र २३, २०७६
    राज्य-समाज

    कोरोनाको बढ्दो संक्रमणलाई ध्यानमा राख्दै अमेरिका र क्यानडाबीच सीमानाका बन्द गर्ने सहमति

    बिहिवार, ६ चैत्र २०७६, आहाखबर

    एजेन्सी, ६ चैत । कोरोनाभाइरसको बढ्दो संक्रमणलाई ध्यानमा राखेर अमेरिका र क्यानडाबीच सीमानाका बन्द गर्ने सहमति भएको छ।

    अमेरिकाका राष्ट्रपति तथा क्यानडाका प्रधानमन्त्री जस्टिन टुडाेले बढ्दो कोरोनाभाइरसको संक्रमणलाई ध्यानमा राख्दै दुई देशको सीमानाका बन्द गर्ने सहमति भएको हो।

    अत्यावश्यक  बाहेकका अवस्थाका  लागि उनीहरूले सीमानाका बन्द गर्ने सहमति गरेका हुन्।'आपसी सहमतिमा हामीले अस्थायीरुपमा उत्तरी नाका बन्द गर्दैछौं', ट्रम्पले भने।

    बुधबारको छलफलपछि दुबै देशले नाका बन्द गर्ने सहमति गरेका हुन्। यो सहमतिले दुबै देशबीचको व्यापारलाई भने कुनै असर नगर्ने बताइएको छ।

    क्यानडाको ७५ प्रतिशत निर्यात व्यापार अमेरिकासँग रहेको छ। दुबैदेशबीच प्रतिदिन २ विलियन अमेरिकी डलर बराबरको सामान ओसारपसार हुने गरेको छ भने दैनिक २ लाख मानिसहरूको आवतजावत हुनेगर्छ। मार्चयता दुवै देशमा कोरोनाभाइरसको संक्रमण बढिरहेकोछ।

    अमेरिकामा हालसम्म यसका ८ हजार संक्रमण पुष्टि भएका छन् भने १३८ जनाको ज्यान गइसकेको छ। यसैगरी क्यानडामा ५९८ जनालाई यसको संक्रमण पुष्टि भएको छ भने ८ जनाको मृत्यु भइसकेको छ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast