सोमबार, जेष्ठ १२, २०७७
    अावास-निर्माण

    मेलम्चीकाे सुरुङ परीक्षण सफल, एक किलोमिटरमा पानी हालियो

    सोमबार, ३ चैत्र २०७६, आहाखबर

    काठमाडौं, ३ चैत

    बहुप्रतिक्षीत मेलम्ची खानेपानी आयोजनाको सुरुङमा पानी हालेर परीक्षण गरिएको छ।  

    खानेपानी आयोजनाको अस्थायी ड्यामबाट एक किलोमिटर सुरुङमा पानी हालेर परीक्षण गरिएको मेलम्ची खानेपानी आयोजनाका कार्यकारी निर्देशक तिरेशप्रसाद खत्रीले जानकारी दिए।  

    ‘परीक्षणको लागि सुरुङमा पानी हालियाे, सुरुङमा कुनै समस्या देखिएन’, उनले भने, ‘काठमाडौंतर्फ पानी जाने सुरुङ बन्द गरेर आयोजनाको पहिलो अडिटमार्गबाट पानी हालिएको हो।’ 

    ड्यामबाट आयोजनाको पहिलो अडिट मार्ग अम्बाथान सुरुङसम्म परीक्षण गरिएको उनले बताए । खोनेपानी मन्त्री बिना मगरले सरकारले तोकेको मिति अगाडि नै मेलम्चीको पानी काठमाडौँ लगिने बताइन्। 

    ‘नयाँ निर्माण कम्पनीले काम सुरु गरेपछि द्रुत गतिमा काम बढेकाे छ।यही गतिमा काम भयो भने तोकेको मितिअगावै सफल हुन सक्छौँ।' उनले भनिन्, 'अब कुनै कारणले पनि आयोजना रोकिँदैन । तोकिएकै समयमा काठमाडौँवासीले मेलम्चीको पानी पिउन पाउँछन् । अब मेलम्ची आउँदैन भन्ने भ्रम तोडियो ।’ 

    यही गतिमा निर्माण कार्य भएमा लक्ष्यअनुसार नै मेलम्चीको पानी सुरुङमार्ग हुँदै सुन्दरीजलसम्म पु-याउने काम वर्षायामपछि सफल हुने आयोजनाले जनाएको छ । वैकल्पिक डाइभर्सन प्रणाली हुँदै मुख्यः टनेलबाट सुन्दरीजलको प्रशोधन प्रणालीसम्म मेलम्चीको पानी छिटो पथान्तरण गर्न अहिले आयोजना लागिरहेको छ । 

    हालसम्म हेडबर्क्सको काम ४० प्रतिशत, टनेलको काम ७५ प्रतिशत र साना ठेक्काको सप्लाइको काम ७५ प्रतिशत सम्पन्न भएको आयोजना निर्देशक खत्रीले जानकारी दिए ।  इटालियन कम्पनी सिएमसीले आयोजनाको काम अन्तिम चरणमा पुगेपछि काम छोडेर फर्किएकाे थियाे सिएमसीले तिर्न बाँकी स्थानीयको करोडौँ रकम अझै आयोजनाले तिर्न सकेको छैन। 

    अहिले मेलम्ची आयोजनाको काम चिनियाँ कम्पनी सिनाे हाइड्राेले गरिरहेको छ। स्थानीयले सिएमसीले तिर्न बाँकी रकम नपाएको भन्दै पुनः आन्दोलन गर्ने चेनावनी दिइरहेका छन्।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast