आईतवार, चैत्र २३, २०७६
    सावधान

    सतुंगलबाट ८ लाख ४९ हजार ६ सय थान मास्कसहित दुई व्यापारी पक्राउ

    सोमबार, ३ चैत्र २०७६, आहाखबर

    काठमाडौं, ३ चैत । विश्वव्यापी रुपमा कोरोना ९कोभिड–१९० भाइरसको संक्रमण फैलिइरहेका बेला सहयोग र सद्भाव दर्शाउनुको सट्टा बजारमा कालोबजारी फैलाउनेविरुद्ध सरकार कडा रुपमा उत्रिन थालेको छ ।

    कोरोना भाइरसको त्रासका बेला मौका छोपेर व्यवसायमा कालोबजारी नगर्न गरिएको पटक–पटकको आग्रहलाई व्यापारीहरुले बेवास्ता गर्दै कालोबजारीलाई निरन्तरता दिइरहेको पाइएपछि सरकार कडा रुपमा उत्रिएको हो ।


    प्रहरीले काठमाडौंको सतुंगलबाट ८ लाख ४९ हजार ६ सय थान मास्कसहित दुई व्यापारीलाई पक्राउ गरेको छ । सोमबार बिहान महानगरीय प्रहरी वृत्त थानकोटबाट खटिएको प्रहरीको टोलीले आरडी सप्लायर्सका सञ्चालक सुरज गोयल र उनका साझेदार सुवास महेश्वरीलाई पक्राउ गरेको हो ।

    गोयलले आफ्नो गोदाममा लुकाएर राखेको ठूलो परिमाणको मास्क बरामद गरेको महानगरीय प्रहरी वृत्त थानकोटका डिएसपी घनश्याम श्रेष्ठले जानकारी दिए ।

    गोयल र महेश्वरीविरुद्ध कालोबजारी विरुद्धको ऐन २०३२ अनुसार अनुसन्धान भइरहेको डिएसपी श्रेष्ठले बताए । कोरोना भाइरसको संक्रमण बढ्दै गएपछि पछिल्लो समय कालोबजारी गर्ने व्यापारी पक्राउ परेका छन् ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast