मंगलवार, चैत्र १८, २०७६
    खेल संसार

    महिला टि ट्वान्टी विश्वकप फाइनलमा आज भारत र अष्ट्रलियाबीच प्रतिस्प्रधा हुने

    आईतवार, २५ फागुन २०७६, आहाखबर

    एजेन्सी, २५ फागुन । आईसीसी महिला टि ट्वान्टी विश्वकप फाइनलमा आज आयोजक अष्ट्रलिया र भारतबीच प्रतिस्प्रधा हुने भएकाे छ । 

    तीय महिला टोलीबीच प्रतिस्पर्धा हुँदै छ । अष्ट्रलिया र भारतिय महिलाबीच हुने खेल नेपाली समय अनुसार दिउँसो १२:४५ मेलबर्न क्रिकेट मैदानमा सुरु हुने छ ।

    भारत पहिलो पटक ऐतिहासिक टि ट्वान्टी विश्वकप उपाधि जित्ने सोचमा छ । सेमिफाइनल वर्षाको कारण रद्ध हुँदा समुह ‘ए’ को विजेताको कारण समुह ‘बी’ को इंग्लयान्डलाई पछि पार्दै भारत पहिलो पटक फाइनलमा प्रवेश गरेको थियो ।

    भारतीय महिला टोली पहिलो प्रयासमै च्याम्पियन बन्न चाहान्छन् । यता घरेलु टोली अष्ट्रेलिया पाँचौं पटक च्याम्पियन बन्दै उपाधि रक्षा गर्ने सोचमा छन् । अष्ट्रलियाले यस अघि सन् २०१०, २०१२, २०१४ र २०१८ मा विश्वकप टि ट्वान्टी को उपाधि जितेका थिए ।

    भारतका लागि युवा १६ वर्षिय ब्याट्सवुमेन्स सफाली बर्मा प्रमुख हतियार हुन् । उनले विश्वकपमा उत्कृष्ट प्रर्दशन गर्दै टि२० वरियतामा शीर्ष स्थानमा उक्लिएकी छिन् । आक्रामक ब्याटिङको लागि परिचित बर्माले ४ खेलमा १ सय ६१ रन जोडेकी छिन् । उत्कृष्ट लयमा रहेकी बर्माको प्रर्दशन भारतीय महिला टोलीको लागि निकै महत्वपूर्ण रहेन छ ।

    त्यस्तै लेग स्पिनर पुनम यादव पनि भारतको प्रमुख हतियार हुन् । उनले जारी विश्वकपमा ४ खेलमा ९ विकेट लिर्दै शीर्ष स्थानमा छिन् । समुह चरणमा भारतले अष्ट्रेलियालाई १७ रनले हराउने क्रममा पुनमले ४ ओभरमा १९ रन खर्चेर ४ विकेट लिएकी थिइन् । तीब्र गतिकी बलर शिखा पान्ड्या पनि बलिङ हतियार हुन् ।

    यता घरेलु टोली अष्ट्रेलिया लिग चरणको हारको बदला फाइनलमा लिने सोचमा छन् । तर प्रमुख अलराउन्डर एलिस पेरी चोटका कारण टोलीमा नहुँदा केहि दबाबमा थपिने छ । बेथ मोनी, विकेटकिपर एलेसिा हेली, कप्तान मेग लानिङ, मेगन उत्कृष्ट लयमा हुँदा अष्ट्रेलिया महिला टोली उच्च मनोबलका साथ मैदान प्रवेश गर्ने छन् ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast