बिहिवार, जेष्ठ १५, २०७७
    खेल संसार

    आयोजक थाइल्याण्डद्वारा नेपाललाई ६७ रनको सामान्य लक्ष्य

    बुधबार, २१ फागुन २०७६, आहाखबर

    काठमाडौं, २१ फागुन । एसीसी इस्टर्न रिजन टि–ट्वान्टी पुरुष क्रिकेट प्रतियोगितामा आयोजक थाइल्याण्डले नेपाल सामु ६७ रनको सामान्य लक्ष्य प्रस्तुत गरेकाे छ । 

    थाइल्यान्डको बैंकक स्थित टेर्डथाई क्रिकेट मैदानमा नेपाल टस जितेर पहिले ब्याटिङ गरेको थाइल्यान्डले निर्धारित २० ओभरमा सम्पूर्ण विकेट गुमाउँदै ६७ रन बनायो ।

    थाइल्यान्डका लागि हिनोन जोर्डानले सर्वाधिक १३ रन बनाए । उनलाई नेपालका भुवन कार्कीले बोल्ड आउट गराएका थिए ।

    त्यस्तै नविद पठानले ८ रन बनाए । उनलाई करण केसीले क्याच आउट गराए । बलिङतर्फ नेपालका लागि करण केसीले सर्वाधिक तीन विकेट लिए । त्यस्तै अविनाश बोहोराले दुई विकेट लिँदा भुवन कार्की र सन्दीप लामिछाने समान एक–एक विकेट लिए ।

    थाइल्यान्ड हङकङ र मलेसियासँग समान आठ विकेट तथा सिंगापुरसँग ४३ रनले पराजित हुँदै बाहिरि सकेको छ । मलेसियासँग २२ र हङकङसँग ४३ रनले पराजित भएको नेपालले दुबै खेलमा विशाल जित निकाल्नु पर्ने छ ।आजको खेलमा पराजित भए नेपाल प्रतियोगिताबाट बाहिरिने छ । 

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast