पुनः उकालो चढ्दै सुनको मूल्य, आज प्रतितोला ३ सयले बढ्यो

काठमाडौं, २० फागुन । साताको तेस्रो दिन मंगलबार नेपाली बजारमा सुनको मूल्य बढेको छ । आज सुन प्रतितोला ३ सय रुपैयाँले बढेको हो ।

सोमबार ७८ हजारमा कारोबार भएको सुनको मूल्य तीन सयले बढेर आज ७८ हजार ३ सय रुपैयाँ पुगेको नेपाल सुनचाँदी व्यवसायी महासंघले जनाएको छ । 

त्यसैगरी, तेजाबी सुनको मूल्य ७८ हजार कायम भएको छ । आजका लागि चाँदीको मूल्य भने ८ सय ६० रुपैयाँ कारोबार भइरहेको छ ।

अन्तर्राष्ट्रिय बजारमै सुनको मूल्य घटबढ भइरहेको छ । त्यसको प्रभाव नेपाली बजारमा पनि परिरहेको छ । मंगलबार अन्तर्राष्ट्रिय बजारमा सुन मूल्य प्रतिऔंस १५ सय ९६ अमेरिकी डलरमा कारोबार भइरहेको छ ।