सोमबार, आषाढ २२, २०७७
    कला-सौन्दर्य

    भारतीय शैलीको विवाहबारे प्रियंकाले दिइन् स्पष्टिकरण

    सोमबार, १९ फागुन २०७६, आहाखबर

    काठमाडौं, फागुन १९

    भारतीय शैलीमा विवाह गरेको भनेर चारैतिर आलोचना बढेपछि अन्ततः नायिका प्रियंका कार्कीले त्यसको स्पष्टिकरण दिएकी छिन् ।

    उनले आफ्नो इन्स्टाग्राम अकाउन्टको स्टोरीमा लेख्दै यसको स्पष्टिकरण दिएकी हुन् । उनका अनुसार उनको परिवारमा केहि सदस्य भारतीय र केहि सदस्य नेपाली रहेका छन् । उनकी आमा नेपाली र पन्जाबी मिक्स अभिभावकबाट जन्मिएकी थिईन् ।

    त्यसैगरी उनका पति आयुष्मानको परिवारमा पनि भारतीय सदस्यहरु छन् । प्रियंकाकी सासुका हजुरबुवा पनि पन्जाबी थिए । त्यसैले उनीहरुको नामको पछाडी देशराज जोडिन पुगेको हो । नेपालमा जस्तै भारतको अमृतसर र हरियानामा पनि उनीहरुको ठुलो परिवार समुह छ । त्यसैकारण आफूहरुले भारतीय शैलीमा विवाह गरेको उनको भनाई छ ।

    उनको यस भनाईमा उनकी सासु रबिना देशराज श्रेष्ठले पनि सहमति जनाएकी छिन् । आफ्ना लागि सबै जात, धर्म , रितिरिवाज, भेषभुषा एउटै रहेको उनको भनाइ छ । भारतिय शैलीमा विहे गरेपनि आफूहरुले नेपाली संस्कृतिलाई भने नछोडेको उनले स्पष्ट पारेकी छिन् ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast