सोमबार, चैत्र २४, २०७६
    बिदेश

    हङकङमा कोरोनाभाइरसका कारण ५७ हजार बेरोजगार बने

    सोमबार, १२ फागुन २०७६, आहाखबर

    काठमाडौँ, १२ फागुन

    हङकङमा सोमबारसम्म कोरोनाभाइरसको संक्रमण ७९ जनामा देखिएको छ।

    हङकङ सरकारको आधिकारिक जानकारीअनुसार हङकङमा हालसम्म ७९ जना कोरोनाबाट संक्रमित बन्दा २ जनाको मृत्यु भएको छ।

    चीनको वुहान शहरमा गत डिसेम्बरदेखि देखिएको कोरोना जनवरीमा पहिलोपटक हङकङमा देखिएको थियो।

    हाल संक्रमितको संख्या बढ्दै जाँदा यसले हङकङको विकास र व्यापारमा ठूलो प्रभाव पार्न थालेको छ।

    कोरोनाको संक्रमणले हङकङको निर्माण उद्योग ठप्प बनेका छन्। निर्माण उद्योग ठप्प हुँदा ५७ हजार निर्माण उद्योगका कामदारले रोजगारी गुमाएको साउथ चाइना मर्निङ पोस्टले जनाएको छ।

    हङकङको निर्माण उद्योग कर्मचारी संघका अनुसार कोरोनाका कारण काम ठप्पहुँदा ५७ हजारले काम गर्न पाएका छैनन्। बेरोजगारीको संख्या बढ्दै जाँदा कामदारको परिवारमा खान लाउन गाह्रो हुन थालेको बताइएको छ।

    हङकङमा हाल निर्माण उद्योगका क्षेत्रमा २ लाख ५० हजार कामदारले काम गरिरहेको बताइएको छ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast