मंगलवार, चैत्र १८, २०७६
    खेल संसार

    इपिएलमा पोखराको ओपनिङमा मुन्से र गेल ?

    शुक्रबार, ९ फागुन २०७६, आहाखबर

    एजेन्सी, ९ फागुन

    स्कटल्यान्डका विस्फोटक ब्याट्म्यान जर्ज मुन्सेले पोखरा राइनोजसँग सम्झौता गरेसँगै वेस्ट इन्डिजका ‘आइकन’ क्रिस गेलसँग एभरेष्ट प्रिमियर लिग (इपिएल)मा ओपनिङ गर्ने भएका छन्।

    मुन्सेले पोखरा राइनोजमा गेलकै राष्ट्रिय टोलीका केस्रिक विलियम्स र दक्षिण अफ्रिकी महान् ब्याट्सम्यान हासिम अमलासँग पनि खेल्ने भएका छन्।

    अक्सफोर्डमा जन्मिएका २६ वर्षीय मुन्सेले २०१५ को जुनमा आयरल्यान्डविरुद्धको ट्वान्टी–२० मा स्कटल्यान्डबाट डेब्यू गरेका थिए। डेब्यू यताको ४ वर्षमा उनले राष्ट्रिय टोलीका लागि ३८ अन्तर्राष्ट्रिय ट्वान्टी–२० खेल खेल्दै ९ सय ८७ रन बनाएका छन्।

    यसै क्रममा उनले गत वर्ष आयरल्यान्डमा भएको त्रिदेशीय अन्तर्राष्ट्रिय शृंखलामा नेदरल्यान्ड्सविरुद्ध १ सय २७ रनको राष्ट्रिय कीर्तिमान पनि बनाएका थिए।

    ४१ बलमा बनाकएको उनको त्यो पहिलो शतक दोस्रो सबैभन्दा छिटो बनेको शतक थियो।

    ‘म पोखरा राइनोजबाट एभरेष्ट प्रिमियर लिग खेल्नका लागि साँच्चै उत्साहित छु,’ उनले सामाजिक सञ्जालमा खेलेका छन्, ‘एकदमै उत्साहित देशमा क्रिस गेलसँगै खेलेर केही विस्फोटक सट खेल्नका लागि म प्रतिक्षा नै गर्न सक्दिन।’

    ‘सुनेको छु त्यहाँ (नेपाल) समर्थक विशाल छन्,’ उनले भनेका छन्।

    इपिएलमा कुन–कुन टोली समावेश छन्?

    भैरहवा ग्लाडिएटर्स, विराटनगर वारियर्स, चितवन टाइगर्स, काठमाडौं किङ्स–११, ललितपुर प्याट्रिओट्स र पोखरा राइनोज गरी यो प्रतियोगितामा पाँच टोली समावेश हुनेछन्। यसअघि भएको २०१८ संस्करणको विजेता ललितपुर प्रतियोगिताको साविक विजेता हो।

    यो प्रतियोगिता खासमा डिसेम्बर ८ देखि २२ सम्म हुने तय गरिएको थियो। तर, पुनः फेब्रुअरी २९ देखि मार्च १४ हुँदै मिति सरेर मार्च १४ देखि २८ सम्म पुगेको छ। प्रतियोगिताका प्रत्येक खेल कीर्तिपुरस्थित त्रिवि क्रिकेट मैदानमा हुनेछन्।

    अन्य कुनै प्रसिद्ध क्रिकेटरले खेल्दै छन्?

    काठमाडौं किङ्सले यसअघि नै आयरल्यान्डका केभिन ओ’ब्रिएन र पौल स्टर्लिङलाई अनुबन्ध गरिसकेको छ भने चितवनबाट अफगानिस्तानका मोहम्मद सहजाद खेल्ने निश्चित भएको छ। त्यस्तै वेस्ट इन्डिजकै अलराउन्डर ड्वेन स्मिथले भैरहवाको प्रतिनिधित्व गर्नेछन्।

    राष्ट्रिय टोलीमा मुन्सेका सहकर्मी केल कोइट्जरले २०१८ को संस्करणमा पोखरा राइनोजको कप्तानी गरेका थिए।

    (द स्कटिसम्यान, स्कटल्यान्डको राष्ट्रिय पत्रिकाबाट साभार)

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast