शुक्रबार, चैत्र २१, २०७६
    राज्य-समाज

    कोभिड १९ : मृत्यु हनेको संख्या २ हजार १ सय २१ पुग्यो

    बिहिवार, ८ फागुन २०७६, आहाखबर

    बेइजिङ, ७ फागुन

    कोभिड १९ (कोरोना भाइरस) को संक्रमणबाट चीनमा मृत्यु हुनेको संख्या २ हजार १ सय २१ पुगेको छ । भाइरसबाट संक्रमित हुनेको संख्या भने ७४ हजार ६ सय पुगेको चिनियाँ सिजिटिएनमा उल्लेख गरिएको छ । 

    चीनको हुबेई प्रान्तको वुहान सहरबाट शुरु भएको यस भाइरसका कारण मृत्यु हुनेको संख्या वृद्धि हुने क्रम उस्तै भए पनि  संक्रमितको संख्यामा कमी आएको चिनियाँ सरकारले जनाएको छ । 

    बुधबार यस भाइरस संक्रमणको कारण १ सय १४ को मत्यु भएपछि यस प्रकोपबाट मृत्यु हुनेको संख्या २ हजार १ सय २१ पुगेको हो । 

    संयुक्त राष्ट्रसंघ, विश्व स्वास्थ्य संगठन, युरोपेली युनियनलगाएतले यो संक्रमण नियन्त्रणमा लिन चीनलाई सघाउने प्रतिबद्धता व्यक्त गरेका छन् ।  

    चीनको हुबेई प्रान्तमा यस भाइरसबाट धेरै नागरिक प्रभावित भएका छन् । कोभिड १९ बाट ८० प्रतिशत संक्रमित र मृत्यु हुनेमा ९५ प्रतिशत हुबेइ प्रान्तका नागरिक रहेको अधिकारीहरूले जनाएका छन् । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast