आईतवार, फागुन ११, २०७६
    सावधान

    निर्मला हत्या काण्ड : कञ्चनपुरको प्रशासन कार्यालयमा धर्ना बसेका ८ अधिकारकर्मी पक्राउ

    मंगलवार, २८ माघ २०७६, आहाखबर

    काठमाडौं, २८ माघ । मंगलबार प्रहरीले कञ्चनपुर प्रशासन कार्यालयमा धर्ना बस्ने ८ अधिकारकर्मीलाई पक्राउ गरेकाे छ ।

    निर्मला पन्तको बलात्कारपछि हत्यामा संलग्नलाई कारबाहीको माग गर्दै आन्दोललनरत अधिकारकर्मीलाई प्रहरीले पक्राउ गरेको हाे । जिल्ला प्रशासन कार्यालय कञ्चनपुरमा धर्नामा बसेका अधिकारकर्मी शारदा चन्दसहित ८ जना पक्राउ परेका छन् ।

    गत वर्ष साउनमा बलात्कारपछि हत्या गरिएकी १२ वर्षकी निर्मला पन्तको घटनामा दोषीलाई कारबाहीको माग गर्दै उनीहरु धर्नामा बसेका थिए ।

    कञ्चनपुरका प्रहरी प्रमुख एसपी मुकुन्द मरासिनीले जिल्ला प्रशासन कार्यालयमा आवतजावतमा अवरोध गरेकाले पक्राउ गरेको बताए ।

    प्रदेश प्रमुख र प्रदेशका सचिवहरु कञ्चनपुर आउँदा जिल्ला प्रशासन कार्यालय प्रवेशमा अवरोध गर्र खोजेकाले पक्राउ गरिएको एसपी मरासिनीको भनाइ छ ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast