बिहिवार, जेष्ठ १५, २०७७
    ओएमजी Omg!

    अब पाइलटबिना नै विमान चल्छन् !

    बिहिवार, २३ माघ २०७६, आहाखबर

    एजेन्सी, २३ माघ । पाइलटबिनाको  विमान चल्न सक्ने कुरा समय अगाडिदेखि चल्दै आएको छ । 

    पाइलटबिनाको व्यावसायिक बिमान सम्बन्धी योजना बनाइए पनि थुप्रै विमानहरुले यो सफलता हासिल गरिसकेपछि पनि अझै पाइलटबिनाको विमान पूर्ण रुपमा सुरक्षित तरिकाले उडान भर्न सक्ने सम्बन्धी एकदम थोरै मात्र प्रमाण छ। 

    गत डिसम्बेरमा एयरबसले आफ्नो विमान फ्रान्सको टुलोज– ब्लागनेक विमानस्थलमा अटोमेटिक अवतरण गरेको पक्का परेको थियो । 

    युरोपेली एरोस्पेस कम्पनी, एयरबसले थुप्रैपटक अटोपाइलट परीक्षणहरु सफल भएकाबारे गत महिना खबर गरेको थियो, जसमा उपस्थित दुई पाइलटलाई भने ‘स्ट्यान्डबाइ’ अर्थात तयारी अवस्थामा राखिएको हो । 

    एयरबसका अनुसार ए३५०–१००० विमान चार घण्टा र ३० मिनेटको समयमा आठपटक अटोमेटिक ‘टेक–अफ’ गर्न सफल भएको हो । 

    परीक्षणमा उपस्थित रहेका एयरबसका पाइलट क्याप्टेन यान बिउफिल्सले आफ्नो एक बयानमा रनवेको सफल सञ्चालनपछि एयर ट्राफिक कन्ट्रोलबाट क्लियरको संकेत पाएर अटोपाइलट मा उडान भरेको जानकारी दिएका हुन् । 

    उनले भनेका छन्, “हामीले थ्रोटल लिभरलाई टेक–अफ सेटिङमा लग्यौँ र त्यसपछि एयरक्राफ्ट मनिटर गर्यौँ । यसपछि विमान आफैँ बिस्तारै अघि बढ्न थाल्यो र रनवेमा आफ्नो मार्ग कायम राख्दै गति बढाउन सुरु गर्यो र ठीक पोजिसनमा पुगेपछि माथि उड्यो । यसरी हामी अटोमेटिक सञ्चालनमार्फत नै हावामा पुगेका हौँ ।” 

    यसमा सार्वजानिक गरिएको तस्बिरमा पाइलटहरुले उडानको समयमा कन्ट्रोलबाट आफ्नो हात हटाएको देख्न सकिन्छ । 

    एयरलाइन्सले यो उपलब्धी हासिल गर्न इन्स्ट्रुमेन्ट ल्यान्डिङ सिस्टम, ९आइएसएस० को सट्टा नयाँ तस्बिर पहिचान प्रणाली जडान गरेको थियो, जसले रनवेमा रेडियो वेभ पठाउने गर्दछ र पाइलटहरुलाई सीधा र तेर्सोबीच सन्तुलन मिलाउन गाइड गर्दछ ।

    एयरबसले यहीवर्ष अटोमेटिक भिजनमा आधारित ट्याक्सी पनि निर्माण गर्ने योजना रहेको बताएको छ । 

    यसरी भविष्यमा ७० प्रतिशत यात्रुहरु पाइलटबिनाको विमानमा उडान भर्न तयार रहने यसअघिको सर्वेक्षणले पनि देखाइसकेको छ । 

    यसले पाइलट अभावको समस्या समाधान गराउनुका साथै लागतमा कटौती गर्न पनि मद्दत गर्ने बताइएको छ । 

    तर पनि धेरै मानिसहरु पाइलटबिनाको विमानको सुरक्षालाई लिएर अझै विवादित अवस्थामै छन् । 

    अटोमेटिक प्रणाली विशेषगरी पाइलटका लागि धेरै मद्दतगार साबित हुने बताइएको छ जसमा उनीहरु उडानका समयमा अन्य व्यवस्थापन प्रणालीमा केन्द्रित रहन सक्नेछन् र उडानमा सुधार आउनेछ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast