बिहिवार, चैत्र २७, २०७६
    कृषि-उर्जा

    काठमाडौं र ललितपुरका यी ठाउँमा आज दिनभर बत्ति जान्छ

    शनिबार, १८ माघ २०७६, आहाखबर

    काठमाडौं, १८ माघ । शनिबार काठमाडौँ र ललिपुरका केही ठाउँमा दिनभर बिजुली बत्ती जाने भएको छ ।

    महाराजगञ्ज वितरण केन्द्रको धापासी फिडरबाट लाइन जोडिएका ठाउँमा शनिबार ९ घण्टा बत्ती जाने प्राधिकरणले जनाएको हो । चक्रपथ विस्तार कार्यका रुख कटान गर्नुपर्ने भएकाले लाइन काटिएको छ । बिहान ७ बजेदेखि बेलुका ४ बजेसम्म बत्ती काटिने छ ।

    यस फिडर अन्तर्गत बसुन्धारा, सामाखुशी चोक, रानीबारी, गोंँगबु चोक, टोखा रोड, ग्राण्डी अस्पताल लगायतका क्षेत्रमा बत्ती जाने छ ।

    यस्तै ललितपुरको पुल्चोक वितरण केन्द्रको टेकु पुल्चोक फिडरबाट वितरण भएको ११ केभी लाइनमा सेक्सनलाइजर राख्ने तथा जम्परहरु मर्मत गरेर फिडर सुधार गर्नुपर्ने भएकोले ६ घण्टा लोडसेडिङ हुँदैछ ।

    शनिबार बिहान ११ बजेदेखि बेलुकी ५ बजेसम्म ६ घण्टा बत्ती निभाइने पुल्चोक वितरण केन्द्रले जनाएको छ । 

    केन्द्रकाअनुसार पुल्चोक फिडर अन्तर्गत बल्खु, सानेपा साँचल, सानेपा चोक, प्रधानसेनापति निवास, झम्सीखेल चोक, सीजी कार्यालय क्षेत्रलगायतका ठाउँमा बत्ती काटिनेछ ।

     

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast