बुधबार, फागुन ७, २०७६
    ओएमजी Omg!

    अष्ट्रेलियामा महिलाले सबैभन्दा धेरै मिठाइ खाने प्रतिस्पर्धा जित्ने चक्करमा फटाफट केक खाइन्, सास फेर्न नसकेर मृत्यु

    सोमबार, १३ माघ २०७६, आहाखबर

    काठमाडौँ, १३ माघ

    सबैभन्दा धेरै मिठाई खाने प्रतिस्पर्धा जित्ने चक्करमा अष्ट्रेलियाको क्विन्सल्याण्डमा ६० वर्षकी एक महिलाको मृत्यु भएको छ । 

    हार्वी बेस्थित बीच हाउस होटलमा ती महिलाले प्रतियोगिता जित्नका लागि एकपछि अर्को गर्दै थुप्रै केक मुखभित्र हालेको बताइन्छ । उनले यसो गर्दा उनलाई सास फेर्न समस्या भयो । त्यहाँ उपस्थित मानिसहरुले उनलाई बचाउने अनेकौं कोसिस गरेको र अस्पताल लैजादाँ पनि उनलाई बचाउन नसकिएको जानकारीमा उल्लेख छ ।

    होटलमा उपस्थित प्रत्यक्षदर्शीका अनुसार महिलाले जब एकैपटक थुप्रै केक खाने कोसिस गरिन् तब उनको सास रोकिन थाल्यो । महिला भुइँमा लड्ने बित्तिकै मानिसहरुले सिपिआर (छातीमा थिच्दै मुखबाट सास दिने प्रक्रिया) दिएर होसमा ल्याउने कोसिस गरे तर उनीहरु सफल हुन सकेनन् । त्यसपछि एम्बुलेन्समार्फत् महिलालाई अस्पताल पठाइयो ।


    अष्ट्रेलिया डेमा चर्चित हुन्छ खाने प्रतियोगिताः

    घटनापछि बीच हाउस होटलले फेसबुकमा मेसेज पोष्ट गर्दै महिलाको परिवारप्रति समवेदना व्यक्त गरेको छ । अष्ट्रेलियामा धेरै खाने प्रतिस्पर्धा निकै चर्चित रहँदै आएको छ । अष्ट्रेलिया डेमा थुप्रै होटलले यस्ता प्रतियोगिताको आयोजना गर्ने गर्छ । 

    यसदिन अष्ट्रेलियामा आउने पहिलो युरोपेलीलाई याद गरिन्छ । यस्ता प्रतिस्पर्धामा प्रतियोगीले धेरैभन्दा धेरै केके, पाई, हट डग वा अन्य खानेकुरा खाएर इनाम जित्ने गर्छन् ।

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast