सोमबार, फागुन १२, २०७६
    राज्य-समाज

    अग्नि सापकोटामाथि कुनै मुद्दा छैन: प्रचण्ड

    शुक्रबार, १० माघ २०७६, आहाखबर

    काठमाडौं, १० माघ । नेपाल कम्युनिष्ट पार्टी ‘नेकपा’ का अध्यक्ष पुष्पकमल दाहाल ‘प्रचण्ड’ले पार्टी नेता अग्नि सापकोटामाथि कुनै मुद्दा नरहेको दावी गरेका छन् । 

    चितवनमा पत्रकारहरुसँग कुरा गर्दै उनले सापकोटामाथि मुद्दा छ भनेर गरिएको प्रचार असत्य भएको बारम्बार दोहोर्याएका हुन् । प्रतिनिधिसभाको सभामुख पदमा नेकपाबाट सिफारिस भई मनोनयन दर्ता गरेका सापकोटा विरुद्धमा मुद्दा भएको सन्दर्भमा सोधिएको प्रश्नमा दाहालले भने “मैले पटकपटक भनिरहेको छु, अग्नि सापकोटामाथि कुनै मुद्दा छैन ।

    सिङ्गै संसद्ले सापकोटालाई स्वीकार गरिसकेको भन्दै उनले थपे “उहाँको पक्षमा राष्ट्र एक ठाउँमा उभिइसक्यो, यो विषयलाई अनावश्यकरूपमा प्रचार गर्नु कुनै औचित्य छैन।”

    दाहालको गृहजिल्ला चितवनमा केही समययता प्रहरी प्रमुखविहीन भएको सन्दर्भमा सोधिएको प्रश्नमा उनले सरकारले आफ्नो अनुकूलतामा प्रहरी प्रमुख पठाउने बताए। प्रहरी नायब उपरीक्षकले राम्रै काम गरेको भन्दै दाहालले प्रश्न गरे “यहाँ सुरक्षा खतरा पैदा भएको छ र? मलाई त केही भएजस्तो लागेको छैन ।”

    प्रहरी प्रमुख को पठाउने भन्ने कुरा सरकारले नै भन्ने उनले बताए । दाहाल नवलपरासीमा हुने दुई कार्यक्रममा सहभागी हुन हवाईमार्ग हुँदै यहाँ आएका हुन् । 

     

     

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast