सोमबार, जेष्ठ १९, २०७७
    राज्य-समाज

    कांग्रेसमा चर्कदो विवाद : अनामनगरमा रामचन्द्रको छुट्टै कार्यालय

    मंगलवार, ७ माघ २०७६, आहाखबर

    काठमाडौँ, ७ माघ

    केन्द्रीयतहका नेता नआउँदा नेपाली कांग्रेसको केन्द्रीय कार्यालय सुनसान छ । गुट, उपगुटले ग्रस्त पार्टीका केन्द्रीयतहका नेताहरु भने आफ्नै कार्यालय खोल्न कस्सिएका छन् ।

    प्रायः नेताले आफ्नै घरबाट आफ्नो गुट चलाइरहेको बेला १४औं महाधिवेशनलाई लक्षित गरेर कांग्रेसका वरिष्ठ नेता रामचन्द्र पौडेलले अनामनगरमा सम्पर्क कार्यालय खोल्दैछन् । कार्यालय खोल्न उनले भवन भाडामा लिइसकेका छन् । सोमबारबाट कार्यालय औपचारिकरुपमै सुरु गर्ने तयारी भएको पौडेल निकट स्रोतले बतायो ।

    पार्टी सभापति शेरबहादुर देउवाले बहुमतको आधारमा आगामी महाधिवेशनको मिति तोके लगत्तै पार्टीभित्र आन्तरिक किचलो बढेसँगै उनलाई सभापतिमा टक्कर दिने नेताको खोजीसमेत सुरु भइरहेको छ । संस्थापनइतर समूहले देउवालाई टक्कर दिने एकल नेताको चयन भने गरिसकेका छैनन् ।

    महामन्त्री सशांक कोइराला र शेखर कोइराला आ–आफ्नै तरिकाले सभापतिको आशांक्षीको रुपमा महाधिवेशनको तयारी गरिरहेका छन् । 

    आगामी महाधिवेशनमा सभापतिको उम्मेदवारको रुपमा पौडेलको नाम पुछारतिर पुगेको बेला उनले छुट्टै कार्यालय नै खोलेर आफ्नो पक्षमा माहौल बनाउने प्रयास गरेका हुन् ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast