सोमबार, फागुन १२, २०७६
    स्वास्थ्य

    जाडोमा पानी पिउन मन लाग्दैन ? यस्ता कुरामा ध्यान दिनुहोस्

    सोमबार, ६ माघ २०७६, आहाखबर

    काठमाडौँ, ६ माघ 

    जाडोको मौसममा पनि मानिसलाई विभिन्न रोगले संक्रमण गर्न सक्छ । जाडोयाममा बिहान बेलुका वायुमण्डलको तल्लो तहमा ब्याक्टेरिया, भाइरसलगायत जीवाणु बढी क्रियाशिल हुन्छन् । साथै धूलोका कण पनि वायुमण्डलको तल्लो तहमा जम्मा हुन्छ । 

    यस्तो बेला माक्स नलगाई घरबाट निस्किए श्वासप्रश्वास, छाला, कोल्ड डाइरिया, खोकी जस्ता रोगले सताउछ ।  यो मौसमले बिशेषगरि बालबालिकालाई अझै बढी समस्या पार्छ । भाइरसले बालबालिकालाई चाडै आक्रमण गर्ने हुँदा वयस्कको तुलनामा उनीहरू चाडै बिरामी पर्छन । उनीहरूलाई श्वासप्रश्वास, खोकी र डायरिया जस्ता समस्या यो बेला बढी देखापर्छ । 

    गर्मीमा जास्तो जाडोमा शरीरबाट पसिना नआउने हुँदा मानिसलाई तिर्खा कम लाग्छ । तिर्खा लागेन भनेर पानी नै नखाने प्रवृति छ । खाइहाले पनि थोरै मात्रामा खाने गर्छन् । जसले शरीरलाई बेफाइदा गर्छ । शरीरमा पानीको अभावले छाला फुस्रो हुने, कब्जियत हुने, ओठ फुट्ने समस्या देखिन्छ । यसकारण तिर्खा नलागे पनि प्रशस्त पानी पिउनुपर्छ ।  

    कतिपय किशोरकिशोरी फेसनेवल बन्ने होडमा पातला र कम कपडा लगाउने गर्छन । जसले स्वास्थ्यमा गम्भीर समस्या पर्न सक्छ । पातला र कम कपडा लगाउदा चिसोले रुघाखोकी, ज्वरो, निमोनिया जस्ता समस्याले हुनसक्छ । जाडो महिना सकिने र गर्मी महिना सुरु बेलामा पनि बिशेष सचेतता हुनुपर्छ । 

    यो बेलामा पनि सरुवा रोगका किटाणु सक्रिय हुन्छन् । जसले सहजै मानिसलाई आक्रमण गर्छ । सरुवा रोगहरू सिजन अनुसार फरक फरक देखा पर्छ । जुनसुकै रोग जतिबेला पनि लाग्ने हुँदा सर्तकता अपनाउनु  राम्रो हुन्छ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast