सोमबार, फागुन १२, २०७६
    राज्य-समाज

    सभामुखको उम्मेदवार तय गर्न नेकपाले बोलायो सचिवालय बैठक

    आईतवार, ५ माघ २०७६, आहाखबर

    काठमाडौँ, ५ माघ

    सत्तारुढ दल नेपाल कम्युनिस्ट पार्टी (नेकपा) ले सभामुखको उम्मेदवार तय गर्न आइतबार अपरान्ह चार बजे सचिवालय बैठक बोलाएको छ ।

    महासचिव विष्णु पौडेलले आइतबार बिहान दुई अध्यक्षबीचको छलफलपछि अपरान्ह चार बजेलाई सचिवालय बैठक बोलाइएको जानकारी दिए । ‘समसामयीक विषयमा छलफल र निर्णय गर्न सचिवालय बैठक बोलाइएको हो,’ महासचिव पौडेलले बताए ।

    नेकपामा सभामुखको उम्मेदवार कसलाई बनाउने भन्ने विवाद छ । यो विवाद चर्कदै गएपछि गत प्रतिनिधि सभाको बैठक लगातार स्थगित हुँदै आएको छ । पुस ४ गतेबाट सुरु भएको प्रतिनिधि सभाको बैठक पुस ११, १६ र २७ गते सूचना टाँस गरेर स्थगित भएको थियो । अर्को बैठक पुस ६ गतेलाई बोलाइएको छ ।

    गत पुस २७ गते नेकपाका दुई अध्यक्षबीच भएको छलफल अनुसार माघ ६ को बैठक बस्नुअघि सभामुखमा सहमति जुटाउने र माघ ६ को बैठकमा सभामुखको निर्वाचन प्रकृया सुरु गर्नेबारे कुराकानी भएको थियो । तर यो बीचमा अध्यक्षद्वयबीच पूर्व एमाले वा पूर्व माओवादी कुन समुहको सभामुख उम्मेदवार बन्ने भन्नेमा ओली र प्रचण्डढबीच सहमति जुट्न सकेको थिएन ।

    यही विषयमा कुरा नमिल्दा दुई अध्यक्षबीच केही दिन सम्बाद नै रोकिन पुगेको थियो । केही दिनको संवादहिनतापछि गत विहीबारबाट दुवै अध्यक्ष पुन छलफलमा जुटेका थिए ।

    सभामुखका लागि अध्यक्ष ओलीले सुवास नेम्वाङ र अर्का अध्यक्ष अग्नि सापकोटा सभामुखको उम्मेदवारका रुपमा अघि सारेका छन् । आज बस्ने सचिवालय बैठकमा नेम्वाङ र सापकोटामा सहमति नभए तेस्रो व्यक्ति सभामुखको उम्मेदवार बनाउने गरी निर्णय हुनसक्ने एक नेताले बताएका छन् ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast