मंगलवार, आषाढ ३०, २०७७
    खेल संसार

    को हुन् बार्सिलोनाका नयाँ प्रशिक्षक सेटिएन ?

    मंगलवार, २९ पौष २०७६, आहाखबर

    काठमाडौँ, २९ पुस

    स्पेनिस क्लब बार्सिलोनाले प्रशिक्षक अर्नेस्तो भाल्भेर्देलाई बर्खास्त गरेको छ ।

    ५५ वर्षका भाल्भेर्देलाई बर्खास्त गरेर बार्सिलोनाले रियल बेटिसका पूर्व प्रशिक्षक किके सेटिनलाई प्रशिक्षकको जिम्मेवारी सुम्पिएको छ ।

    लगातार दुई सिजन ला लिगाको उपाधि दिलाएका भाल्भेर्देको प्रशिक्षणमा बार्सिलोना यो सिजन गोल अन्तरका आधारमा अघि रहँदै आएको छ । तर यो सिजन बार्सिलोनाले लगातार जस्तो अप्रत्यासित हार या बराबरीको नतिजा निकाल्दै आएको छ ।

    भाल्भेर्देको प्रशिक्षणमा बार्सिलोना च्याम्पियन्स लिग फुटबलको फाइनलमा भने पुग्न सकेको थिएन । ६१ वर्षका किके शेटिनले बार्सिलोनासँग साढे दुई वर्षको सम्झौता गरेका हुन् । उनलाई मंगलबार दिउँसो बार्सिलोनाले सार्वजनिक रुपमा प्रस्तुत गर्ने छ ।

    भाल्भेर्देसँग उनको सम्झौता अन्त्य गर्ने सहमति भएको र किकेलाई प्रशिक्षक नियुक्त गरिएको बार्सिलोनाले जारी गरेको वक्तव्यमा उल्लेख छ ।

    टिएन रेसिङ स्यान्ट्यान्डर क्लबका प्रतिभाशाली मिडफील्डर थिए । त्यहाँ उनले आठ वर्ष बिताउँदा २०५ म्याच खेलेर ४३ गोल गरेका थिए । 

    त्यसपछि उनले एट्लेटिको मड्रिड र लोग्रोनेस लगायत क्लबमा पनि राम्रो प्रदर्शन गरेका थिए । लेभान्ते क्लबबाट उनले संन्यास लिएका थिए । 

    उनले सन् २००० मा रेसिङ स्यान्ट्यान्डरबाट प्रशिक्षण करीयर शुरू गर्दै उनले विभिन्न क्लब र इक्वेटोरियल गिनी राष्ट्रिय टीमलाई समेत प्रशिक्षण दिएका थिए । उनकै प्रशिक्षणमा लुगो टीम सेगुन्डा डिभिजन बीमा बढुवा भएको थियो । 
    त्यसपछि उनले लास पाल्मासको जिम्मेवारी सम्हाल्दै उक्त क्लबलाई रेलिगेसनबाट जोगाएर ११औं स्थानमा पुर्‍याएका थिए । 

    उनको राम्रो प्रदर्शनलाई मूल्यांकन गर्दै रियाल बेटिसले सन् २०१७ मा उनलाई स्थायी व्यवस्थापक बनायो । क्लबको पहिलो सीजनमा उनले बेटिसलाई युरोपेली प्रतिस्पर्धामा फर्काए । उनले टीमलाई छैठौं स्थानमा पुर्‍याएर युरोपा लीगका लागि छनोट गराए । 

    बेटिसमा उनको दोस्रो सीजनको शुरूआत राम्रो रह्यो तर पछि गएर क्लबको प्रदर्शन खस्किँदै गयो । त्यसपछि सम्झौताको एक वर्ष बाँकी रहँदै उनी बिदा भए । 

    सेटिएनले पोजेजनमा आधारित आक्रामक फूटबल खेलाउने गर्छन् । उनको यो शैलीको तुलना बार्सिलोनाका लेजेन्ड योहान क्रुफसँग गरिन्छ । सेटिएनले क्रुफलाई प्रशंसा गर्ने गरेका छन् । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast